හොෂෙයා 14:1-9
14 “ඊශ්‍රායෙල් සෙනඟෙනි, ඔබේ දෙවියන් වන යෙහෝවා ළඟට ආයෙත් එන්න.+
ඔබට මේ වගේ විපතක් වුණේ ඔබේම වැරදි නිසයි.
2 ජනයෙනි, ආයෙත් යෙහෝවා දෙවියන් ළඟට ඇවිත් ඔහුගෙන් මෙහෙම අයැදින්න.‘අපේ වැරදිවලට සමාව දෙන්න.+ අපි කරන යහපත් දේවල් සතුටින් භාරගන්න.හරියට වස්සන්ව පූජා කරනවා වගේ අපි අපේ මුවින් ඔබට ප්‍රශංසා ඔප්පු කරන්නම්.*+
3 අපිව බේරගන්න ඇසිරියාවට බැහැ.+
අපි අශ්වයන් පිට නැඟලා යන්නෙත් නැහැ.+මීට පස්සේ අපි කවදාවත් අපේ දෑතින් හදපු රූපවලට “මේ අපේ දෙවියන්” කියලා කියන්නේ නැහැ.මොකද පියා නැති දරුවාට දයාව පෙන්වන්නේ ඔබ විතරයි.’+
4 මම ඔවුන්ව සුව කරන නිසා ඔවුන් ආයෙත් මට ද්‍රෝහි වෙන්නේ නැහැ.+
මං මගේ හදවතින්ම ඔවුන්ට ආදරේ කරනවා.+මොකද මගේ කේන්තිය දැන් නිවිලා ගිහින්.+
5 මම ඊශ්‍රායෙල්වරුන්ට පිනි බිඳු වගේ වෙනවා.ඒ නිසා ඔවුන් ලිලී මල් වගේ පිපෙයි.ලෙබනොන්වල ගස් වගේ මුල් ඇදලා සරුසාරව වැඩෙයි.
6 ඔවුන් අතුඉති විහිදුවලා වැඩෙන තේජවත් ඔලීව ගසක් වගේ වෙයි.ලෙබනොන්වල ගස්වලින් නික්මෙන සුවඳ ඔවුන්ගෙනුත් නික්ම එයි.
7 ඔවුන් ආයෙත් දෙවියන්ගේ සෙවණේ සිසිලස ලබයි.
ඔවුන් ධාන්‍ය වගා කරයි. මිදිවැලක් වගේ දලු ලා වැඩෙයි.+
ලෙබනොන්වල වයින් ගැන කතා කරනවා වගේඔවුනුත් තමන්ගේ දෙවියන් ගැන සතුටින් කතා කරයි.
8 ‘මේ වෙනත් දෙවිවරුන්ගේ රූපවලින් මට දැන් කිසි වැඩක් නැහැ’+ කියලා එෆ්‍රායිම් කියයි.
මම ඔවුන්ට උත්තර දෙනවා. ඔවුන්ව රැකබලා ගන්නවා.+
මං සරුසාරව වැඩෙන ජුනිපර් ගසක් වගේ වෙනවා.
මගෙන් හටගන්න පලවලින් ඔවුන් පෝෂණය ලබයි.”
9 ඔබ අතරේ ප්‍රඥාවන්තයෙක් ඉන්නවා නම් මේ දේවල් තේරුම්ගන්න.
ඔබ අතරේ නැණවතෙක් ඉන්නවා නම් මේ දේවල් අවබෝධ කරගන්න.
යෙහෝවා පෙන්වන මාර්ගය යහපත්.+ධර්මිෂ්ඨයන් ඒ මඟේ ගමන් කරයි.අධර්මිෂ්ඨයන් ඒ මාර්ගයෙන් ඉවතට ගිහින් විනාශ වෙයි.
පාදසටහන්
^ මූ.අ., “එතකොට අපි ඔබට අපේ මුවින් වස්සන්ව ඔප්පු කරන්නම්.”
