පළවෙනි ලේකම් 7:1-40
7 ඉසකාර්ගේ පුතාලා හතරදෙනාගේ නම්: තෝලා, පුවා, යාෂුබ් සහ ෂිම්රොන්.+
2 තෝලාගේ පුතාලාගේ නම්: උස්සි, රෙෆායා, යෙරීයෙල්, යාමයි, ඉබ්සාම් සහ ෂෙමුවෙල්. එයාලා හැමෝම පෙළපත්වල ප්‍රධානීන්. තෝලාගෙන් පැවතුණ අය යුද්ධ කරන්න හරිම දක්ෂයි. දාවිත්ගේ කාලේ එයාලා 22,600ක් හිටියා.
3 උස්සිගෙන් පැවතෙන අය* තමයි මේ: උස්සිගේ පුතා ඉෂ්රාහියා. එයාගේ පුතාලාගේ නම්: මිකායෙල්, ඔබදියා, යෝවෙල් සහ ඉෂ්ෂියා. එයාලා පස්දෙනාම ප්‍රධානීන්.
4 එයාලටයි, එයාලාගෙන් පැවතෙන අයටයි ගොඩක් භාර්යාවන් සහ පුතාලා හිටිය නිසා එයාලාගේ පෙළපත්වලින් යුද්ධ කරන්න පුළුවන් සෙබළුන් 36,000ක් හිටියා.
5 පෙළපත් වාර්තාවල සඳහන් වෙලා තියෙන විදිහට+ එයාලාගේ නෑදෑයන් වුණ, ඉසකාර්ගෙන් පැවතෙන අනිත් පවුල්වල යුද්දෙට දක්ෂ 87,000ක් හිටියා.
6 බෙන්ජමින්ගේ+ පුතාලා තුන්දෙනාගේ නම්: බෙලා,+ බෙකෙර්+ සහ යෙදීයයෙල්.+
7 බෙලාගේ පුතාලාගේ නම්: එෂ්බොන්, උස්සි, උස්සියෙල්, යෙරිමොත් සහ ඊරි. එයාලා පස්දෙනාම පෙළපත්වල ප්‍රධානීන් වගේම යුද්දෙට හරිම දක්ෂ අය. පෙළපත් වාර්තාවල සඳහන් වෙලා තියෙන විදිහට+ එයාලට සෙබළු 22,034ක් හිටියා.
8 බෙකෙර්ගේ පුතාලාගේ නම්: සෙමීරා, යෝවාෂ්, එලියේසර්, එලියෝනේයයි, ඔම්රී, යෙරෙමොත්, අබියා, අනාතොත් සහ අලෙමෙත්. ඒ හැමෝම බෙකෙර්ගේ පුතාලා.
9 පෙළපත් වාර්තාවල සඳහන් වෙන විදිහට පෙළපත්වල ප්‍රධානීන්ගෙන් පැවතෙන යුද්දෙට දක්ෂ සෙබළු 20,200ක් එයාලට හිටියා.
10 යෙදීයයෙල්ගේ+ පුතාලාගේ* නම්: බිල්හාන්. බිල්හාන්ගේ පුතාලාගේ නම්: යෙවුෂ්, බෙන්ජමින්, ඒහුද්, කෙනානා, ෂේතාන්, තර්ෂිෂ් සහ අහිෂාහර්.
11 එයාලා හැමෝම යෙදීයයෙල්ගෙන් පැවතෙන අය. එයාලා තමයි එයාලාගේ පෙළපත්වල ප්‍රධානීන්. එයාලාගෙන් පැවතෙන අය අතරේ යුද්දෙට දක්ෂ, යුද්ධ කරන්න ලෑස්ති පිට හිටපු 17,200ක් හිටියා.
12 ෂප්පිම්වරු සහ හප්පිම්වරු ඊර්ගෙන්+ පැවතෙන අය.* හුෂිම්වරු අහෙර්ගෙන් පැවතෙන අය.
13 නෆ්තලීගේ+ පුතාලාගේ නම්: යාෂියෙල්, ගුනී, යේෂෙර් සහ ෂල්ලුම්. එයාලා බිල්හාගෙන්+ පැවතෙන අය.*
14 මනස්සේගෙන්+ පැවතෙන අය:* අස්‍රියෙල්. අස්‍රියෙල් ඉපදුණේ මනස්සේගේ සිරියානු ජාතික උපභාර්යාවට. (ගිලියද්ගේ තාත්තා වුණ මාකීර්ව+ බිහි කළෙත් ඒ උපභාර්යාව.
15 මාකීර් හප්පිම්ටයි, ෂප්පිම්ටයි භාර්යාවන් හොයලා දුන්නා. එයාලාගේ නංගිගේ නම මයකා.) මනස්සේගේ දෙවෙනි පුතාගේ නම ෂෙලොපෙහාද්.+ ෂෙලොපෙහාද්ට හිටියේ දුවලා විතරයි.+
16 මාකීර්ගේ බිරිඳ වුණ මයකාට එයාගෙන් පුතෙක් ලැබුණා. එයාට පේරෙෂ් කියන නම දුන්නා. එයාගේ මල්ලිගේ නම ෂෙරෙෂ්. එයාගේ පුතාලාගේ නම් ඌලාම් සහ රෙකෙම්.
17 ඌලාම්ගේ පුතා* බෙදාන්. එයාලා ගිලියද්ගෙන් පැවතෙන අය. ගිලියද් මාකීර්ගේ පුතා. මාකීර් මනස්සේගේ පුතා.
18 ගිලියද්ගේ සහෝදරිය හම්මොලෙකෙත්. එයාට ඉෂ්හොද්, අබිඑෂෙර් සහ මාලාහ් ඉපදුණා.
19 ෂෙමිදාගේ පුතාලාගේ නම්: අහියාන්, ෂීකෙම්, ලික්හි සහ අනියාම්.
20 එෆ්‍රායිම්ගෙන්+ පැවතෙන අයගේ* නම්: එෆ්‍රායිම්ගේ පුතා ෂුතෙලා.+ එයාගේ පුතා බෙරෙද්. බෙරෙද්ගේ පුතා තහත්. එයාගේ පුතා එලෙයාදා. එලෙයාදාගේ පුතා තහත්.
21 තහත්ගේ පුතා සාබාද්. එයාගේ පුතා ෂුතෙලා. එෆ්‍රායිම්ට එෂෙර් සහ එලෙයාද් කියලා පුතාලා දෙන්නෙකුත් හිටියා. ගාත්වල+ හිටපු මිනිස්සු එෆ්‍රායිම්ගේ පුතාලට අයිති සත්තු පැහැරගන්න ආපු වෙලාවේ ඒ දෙන්නාව මරලා දැම්මා.
22 ඒ ගැන එයාලාගේ තාත්තා වුණ එෆ්‍රායිම් දවස් ගාණක් අඬා වැලපුණා. එෆ්‍රායිම්ව සනසන්න එයාගේ නෑදෑයන් උත්සාහ කළා.
23 ඊටපස්සේ එයා එයාගේ බිරිඳ එක්ක ලිංගික සම්බන්ධකම් පැවැත්තුවා. එයාගේ බිරිඳ ගැබ් අරන් පුතෙක් බිහි කළා. එෆ්‍රායිම් ඒ පුතාට බෙරීයා* කියන නම තිබ්බා. මොකද ඒ දරුවා හම්බ වුණේ එයාලට ලොකු විපතක් වුණ කාලෙක.
24 එයාගේ දුවගේ නම ෂෙයෙරා. ෂෙයෙරා ඉහළ බෙත්හෝරොන්, පහළ+ බෙත්හෝරොන්+ සහ උස්සෙන්ෂෙයෙරා කියන නගර ගොඩනැඟුවා.
25 රෙෆා සහ රෙෂෙප් පැවතෙන්නෙත් එෆ්‍රායිම්ගෙන්. රෙෂෙප්ගේ පුතා තෙලා. එයාගේ පුතා තහන්.
26 තහන්ගේ පුතා ලාදාන්. එයාගේ පුතා අමිහුද්. අමිහුද්ගේ පුතා එලිෂාමා.
27 එලිෂාමාගේ පුතා නූන්. නූන්ගේ පුතා යොෂුවා.*+
28 එෆ්‍රායිම්ගෙන් පැවතෙන අය පදිංචි වුණ ප්‍රදේශ තමයි මේ: බෙතෙල්+ සහ ඒ අවට තියෙන කුඩා නගර, නැඟෙනහිර පැත්තට නයරාන්, බටහිර පැත්තට ගෙෂෙර් සහ ඒ අවට තියෙන කුඩා නගර වගේම ෂීකෙම් සහ ඒ අවට තියෙන කුඩා නගරවල ඉඳන් අයියාහ්* සහ ඒ අවට තියෙන කුඩා නගර.
29 ඒ ළඟම මනස්සේගෙන් පැවතෙන අය පදිංචි වුණ ප්‍රදේශ තමයි මේ: බෙත්ෂෙයාන්+ සහ ඒ අවට තියෙන කුඩා නගර, තයනක්+ සහ ඒ අවට තියෙන කුඩා නගර, මෙගිද්දෝ+ සහ ඒ අවට තියෙන කුඩා නගර, දෝර්+ සහ ඒ අවට තියෙන කුඩා නගර. ඊශ්‍රායෙල්ගේ පුතා වුණ යෝසෙප්ගෙන් පැවතෙන අය ජීවත් වුණේ ඒ ප්‍රදේශවලයි.
30 ආෂෙර්ගේ පුතාලාගේ නම්: ඉම්නාහ්, ඉෂ්වා, ඉෂ්වී සහ බෙරීයා.+ එයාලාගේ සහෝදරියගේ නම සෙරා.+
31 බෙරීයාගේ පුතාලාගේ නම් හෙබෙර් සහ මල්කියෙල්. මල්කියෙල්ගේ පුතා බිර්සායිත්.
32 හෙබෙර්ගේ දරුවන්ගේ නම්: යෆ්ලෙත්, ෂෝමෙර් සහ හෝතාම්. එයාලාගේ සහෝදරියගේ නම ෂුවා.
33 යෆ්ලෙත්ගේ පුතාලාගේ නම්: පාසක්, බිම්හාල් සහ අෂ්වාත්. යෆ්ලෙත්ගේ පුතාලා තමයි ඒ.
34 ෂෙමෙර්ගේ* පුතාලාගේ නම්: ආහි, රෝගාහ්, යෙහුබ්බා සහ ආරම්.
35 ෂෙමෙර්ගේ මල්ලි වුණ හේලෙම්ගේ* පුතාලාගේ නම්: ෂෝපා, ඉම්නා, ෂේලෙෂ් සහ අමාල්.
36 ෂෝපාගේ පුතාලාගේ නම්: සුවා, හර්නෙපෙර්, ෂුවාල්, බේරී, ඉම්රාහ්,
37 බෙෂෙර්, හෝඩ්, ෂම්මා, ෂිල්ෂාහ්, ඉත්රාන් සහ බෙයේරා.
38 යෙතෙර්ගේ පුතාලාගේ නම්: යෙෆුන්නෙ, පිස්පා සහ ආරා.
39 උල්ලාගේ පුතාලාගේ නම්: ආරාහ්, හන්නියෙල් සහ රිෂීයා.
40 එයාලා හැමෝම ආෂෙර්ගේ පුතාලා. ඒ හැමෝම පෙළපත්වල ප්‍රධානීන්. එයාලා සෙනඟ අතරින් තෝරගත්ත, යුද්දෙට දක්ෂ හමුදාවේ ප්‍රධානීන්ගෙත් ප්‍රධානීන්. එයාලාගේ පෙළපත් වාර්තාවලට අනුව+ යුද්දෙට ලෑස්ති පිට හිටපු සෙබළු 26,000ක්+ එයාලට හිටියා.
පාදසටහන්
^ මූ.අ., “උස්සිගේ පුතාලා.”
^ හෙබ්‍රෙව් භාෂාවෙන් මේ වචනයෙන් “පුතා,” “මුනුපුරා,” නැත්නම් “පැවතෙන කෙනා” අදහස් වෙන්න පුළුවන්.
^ හෝ සමහරවිට, “ඊර්ගේ පුතාලා ෂප්පිම් සහ හප්පිම්.”
^ මූ.අ., “බිල්හාගේ පුතාලා.”
^ මූ.අ., “මනස්සේගේ පුතාලා.”
^ මූ.අ., “පුතාලා.”
^ මූ.අ., “එෆ්‍රායිම්ගේ පුතාලාගේ.”
^ තේරුම, “විපත්ති එක්ක.”
^ හෝ, “යෙහොෂුවා.” තේරුම, “යෙහෝවා දෙන ගැලවීම.”
^ හෝ සමහරවිට, “ගාසා.” ඒත් පිලිස්තියේ තියෙන ගාසා නෙමෙයි.
^ 32වෙනි පදයේ ෂෝමෙර් කියලත් හඳුන්වනවා.
^ සමහරවිට 32වෙනි පදයේ හෝතාම් කියලා හඳුන්වන කෙනාම වෙන්න ඇති.
