යෙහෝවා දෙවිගේ නිර්මාණවලින් ඔහු මොන තරම් බලවත් කෙනෙක්ද කියලා පැහැදිලියි. (ගීතා 19:1-4; 139:14) ඒත් මේ දුෂ්ට සමාජය ජීවයේ ආරම්භය ගැන වැරදි මත උගන්වලා දෙවිට අගෞරව කරනවා. (රෝම 1:18-25) ඒ වැරදි මතවලින් ඔයාගේ දරුවන්ව ආරක්ෂා කරගන්න නම් ඔයා කරන්න ඕනෙ මොනවද? යෙහෝවා දෙවි සැබෑ දෙවි කෙනෙක් කියලත් එයාලා ගැන සැලකිලිමත් කියලත් දරුවන්ට පුංචි කාලේ ඉඳන්ම තේරුම් කරලා දෙන්න. (2කොරි 10:4, 5; එෆී 6:16) ඉස්කෝලේදී උගන්වන දේවල් ගැන දරුවන්ගේ හිතේ තියෙන්නේ මොනවද කියලා දැනගන්න. දෙවිගේ සංවිධානයෙන් දීලා තියෙන දේවල් පාවිච්චි කරලා එයාලගේ හිතට කතා කරන්න.—හිතෝ 20:5; යාකො 1:19.

‘ඔයාගේ වයසේ ඉන්න අය කියන දේ—දෙවි කෙනෙක්ව විශ්වාස කිරීම’ කියන වීඩියෝ එක බලලා මේ ප්‍රශ්නවලට උත්තර දෙන්න:

• දෙවි කෙනෙක්ව විශ්වාස කරන එක ගැන හුඟක් අයට තියෙන වැරදි මතය මොකක්ද?

• ඒ ගැන ඔයාගේ ඉස්කෝලේ උගන්වන්නේ මොනවද?

• යෙහෝවා දෙවි සැබෑ කෙනෙක් කියලා ඔයා විශ්වාස කරන්නේ ඇයි?

• හැම දේම නිර්මාණය කළේ දෙවි කියලා තේරුම්ගන්න කෙනෙක්ට උදව් කරන්න ඔයාට පුළුවන් කොහොමද?