DEANTINOONTE!
Sayintistootu Baote Barri Saate Alba Qolte Haꞌrissino—Qullaawu Maxaafi Mayyaanno?
Sayinsete egennaammi Arfaasa 24, 2023nni Baote Barri Saate a hashshu taalooti widira qolte haꞌrissino; tini saate alamete goofimarcho kultannote.
“Mannu ooso insa insaneeto galaaffattara kaꞌinota leellishshannoti ‘Baote Barri Saate’ Maakisanyote barra albinni roore hashshu taalooti widira higge shiqqi yitino; kuni ikkinohu Yukireenete gobbara kaino olinni, niyukileerete oli kaꞌꞌara dandaanno yine waajjatenni, hattono ayyarete gade soorramanni kainohunniiti.”—AFP International Text Wire.
“Sayinsete egennaammi Maakisanyote barra, ‘Baote Barri Saate’ 90 sokonda hashshu taalooti widira higge shiqqi yitinota egensiissino; hatto yaa mannu sirchi albinni roore baote widira hige shiqqi yiino yaate.”—ABC News.
“Mitte alamete doyichoti sayintistootu gaamo, mannu ooso wolu woyitinni roore xaa yannara insaneeto gudate qixxaabbe noota xawissino.”—Ze Gaardiyani.
Ikkina mannu oosonna baatto baꞌanno yanna muleeti? Albillitte ikkannore waajja hasiissannonke? Qullaawu Maxaafi tenne daafira mayyaanno?
Albillitte ikkannore
Qullaawu Maxaafi kulanno garinni, “kalqe (baatto) noowa heedhanno”; qoleno mannu ‘ise aana hegerera heeꞌranno.’ (Rosiisaancho 1:4; Faarso 37:29) Konni daafira mannu ooso baatto dihuntanno woy heeshshote kalaqami heeꞌra dandaannokkita diassitanno.
Ikkollana, Qullaawu Maxaafi goofimarchu daannota kulanno. Lawishshaho, “Alame . . . saꞌanno” yaanno.—1 Yohaannisi 2:17.
Qullaawu Maxaafi alamete goofimarcho yaannohu maa kulateetiro afate, “Alame Baꞌaraati? Apokaaliypsi Maati?” yaanno birxicho nabbawi.
Qullaawu Maxaafi alamete goofimarchi daanno yanna daafira mayyaannoro afate, “Alamete Goofimarchi Daannohu Mamooteeti?” yaanno birxicho nabbawi.
Albillittete yanna hexxotenni agadha
Xa alamete aana qarru batiꞌrinoha ikkirono, Qullaawu Maxaafi albillittete yanna hexxotenni agadhineemmo gede kaaꞌlannonke. Hiittoonni?
Qullaawu Maxaafi heeshshonkera kaaꞌlitanno amaale aannonke. (2 Ximootewoosi 3:16, 17) Lawishshaho, Qullaawu Maxaafi qarru heeꞌreennanni dancha danchare hendeemmo gede kaaꞌlannonkehu hiittoonniitiro afate, “Yaaddo Gargadha Dandiinanni Gara” yaanno birxicho nabbawi.
Qullaawu Maxaafi konni kaꞌira kaajja hexxo aannonke. (Roomu Sokka 15:4) Qullaawu Maxaafi yannankerano ikko albillitte mayi ikkannoro xawise kulannonke; tini qolte alamete aana baxiri ikkirono wodanaaꞌmineemmo gede assitannonke.
Qullaawu Maxaafi roore kaaꞌlannohe gede, woxe baaxxittokki ninke ledo techonni Qullaawu Maxaafi xiinxallo hanafi.
a “Baote Barri Saate yinanniti, ninke mannu ooso uminke qixxeessinoommo tekinoolojenni alame hunate widira hinge mageeshshi geya shiqqi yinoommoro leellishanno akeekaati. Baattote aaninni baꞌnummokki heeꞌrate, ranke biddi assa hasiissannohu buutote coyi heeꞌriro hakkoye qummi assitanno saateeti.”—Buletiini ofi ze Atoomik Sayintistis.
Kurino Lai
QULLAAWU MAXAAFI XAꞌMONNA DAWARO
Armagedooni Oli Maati?
Armagedooni yaanno qaali Qullaawu Maxaafi giddo mitto bayicho calla no; konni oli daafira kayinni duucha basera kulloonni.
KAA'LANNOHA QULLAAWU MAXAAFI ROSO
Maganu Qarru Heeˈrara Fajjinohu Mayiraati?
Batinyu manni, ‘Alamete aana qarrunna gibbo togo batidhinohu mayiraati?’ yee hedanno. Qullaawu Maxaafi tenne xaˈmora gari dawaro qolanno.
KAA'LANNOHA QULLAAWU MAXAAFI ROSO
Maganu Uulla Kalaqinohu Mayiraati?
Uullate aana laˈˈate baxisannori woˈmino. Uullatenna arrishshote mereero noo xeertinyi diino-batiˈrino, diino-ajino; qoleno, uulla haabbino angile garaho, hattono doyitanno ranke garaho. Maganu uulla kalaqate kageeshshi looso loosinohu mayiraati?
NINKE DAAFIRA
Hasaawinseemmohe Gede Kuꞌli
Qullaawu Maxaafi xaꞌmo hasaawa, woy Yihowa Farciꞌraasine daafira ledde afa dandaatto.
