Yihowa, minaanninna minaama adhami woyite eino qaale mulluri gede asse dilaˈˈanno. Isi hasatto, insa mimmitu ledo quraanyame heeˈranno gedeeti. (Mt 19:5, 6) Maganu manni mereero dancha lawishsha ikkannohu batinyu minaannuwinna minaamuwi no. Ikkollana, guuta adhama dino. Hakko daafira, qarru kalaqamanno woyiti no. Minaanninna minaama qarru kalaqamanno woyite, batinyu manni hedanno gede, babbaxxe heeˈranna adhama diiga qarra tirtanno yee heda dihasiissannonsa. Adhamino Kiristaani adhamansa daafannore hooˈla dandaannohu hiittoonniiti?

Tennera kaaˈlitannota onte hedo laˈno.

1. Galtete calla leellinshanni baxille woleho leellishatewiinni hattono maaeela coye leellishanno boohaarshiwiinni xeertidhine, wodanaˈne agadhe; togoo akati adhanna adhama hoshooshantanno gedella assanno.—Mt 5:28; 2Ph 2:14.

2. Maganu ledo nooˈne jaalooma kaajjishidhine, maateˈne heeshshonni iso hagiirsiisate hasattoˈne lexxitanno gede assidhe.—Fa 97:10.

3. Haaro mannimma uddiˈra agurtinoonte; qoleno shiimmaaddareno ikkiro galteˈne baxxinannita leellishannoha dancha coye asse.—Qo 3:8-10, 12-14.

4. Mimmitu ledo ayirrinyunni, gumu noo hasaawa hasaawate rosichi heeˈroˈne.—Qo 4:6.

5. Galteˈne hasatto shaqqillunninna baxillunni wonshe.—1Qo 7:3, 4; 10:24.

Kiristaanu adhamansa ayirrisannoha ikkiro, adhanna adhama xintinoha Yihowa ayirrisanno.

‘CINCATENNI JAWAANTE DODA’ HASIISSANNONKE—QOLCHANSHOTE WODHO AYIRRISSE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Minaanninna minaama adhamanno woyite hagiidhannoha ikkirono, hiittoo qarri kalaqamara dandaanno?

• Qullaawu Maxaafihu xintu seeri, mereeronke baxillu dino yee hedanno minaannanna minaama kaaˈlara dandaannohu hiittoonniiti?

• Adhanna adhama lainohunni Yihowa fushshino seeri hiikkonneeti?

• Adhanna adhama seekkanno gede, minaannino minaamano maa assa hasiissannonsa?