Saamueeli heeshshosi diro woˈma Yihowara ammaname heeˈrino. Isi qaaqqu noo yannara Eeli ooso Afiininna Finihaasi huntasira diwodhino. (1Sa 2:22-26) Saamueeli lophanni haˈrino; Yihowano ledosi no. (1Sa 3:19) Saamueeli jawa ikkihu gedensaanni, oososi ammanantinokkire ikkiturono isi Yihowara ammaname soqqama diagurino.—1Sa 8:1-5.

Saamueeli lawishshinni maa rosa dandiineemmo? Wedella, Yihowa iillannoˈne qarranna mayi macciishshamannoˈnero afannota huluullantinoonte. Isi worbuulle ikkitinanni gede kaaˈlannoˈne. (Is 41:10, 13) Annuwanna amuuwa oosoˈne Yihowara soqqama agurtinoha ikkiro, Saamueeli oososi Yihowara ammanante heedhanno gede giddeessinokkita afaˈne sheshifachishshannoˈne. Isi tenne hajo Yihowa biddi assanno gede isira agure, minshe nookkiha ikke heeˈrino; hattono iimi Annasi Yihowa hagiirsiisino. Kiˈnehu danchu lawishshi oosoˈne wirro Yihowawa higganno gede kaaˈlansara dandaanno.

LAWISHSHANSA HARUNSE—SAAMUEELI YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLA WOˈNAALLE:

• Saamueeli qaaqqu heeˈre worba ikkinota leellishinohu hiittoonniiti?

• Daani worba ikkinota leellishinohu hiittoonniiti?

• Saamueeli jawu noo yannara dancha lawishsha ikkinohu hiittoonniiti?

• Daani anninna ama dancha lawishsha ikkinohu ma garinniiti?