Giddokkita annikkiranna amakkira fante kulate sharrama hasiissannohehu mayiraati? (La 23:26) Yihowa insa ate towaattannohenna massaggannohe gede qeecha uyinonsa. (Fa 127:3, 4) Huluullinoherenna yaachishinohere baalankare maaxiˈrattoha ikkiro insara ate kaaˈla qarra ikkitannonsa. Qoleno insa lowo diro heedhe afidhinohu kaaˈlannohe woˈnaalshi gate baˈˈannohe. Mito coye insara kula hooga soˈroteni? Insa doga hoogitto geeshsha soˈro diˈˈikkitino.—La 3:32.

Annikkinna amakki ledo hasaawa dandaattohu hiittoonniiti? Insarano aterano maltino yanna doorate woˈnaali. Hatto assa qarra ikkituhero, borro borreessite macciishshaminohere insa giddo mittoho kula dandaatto. Annikkinna amakki ati hasaawa hasiˈrattokki hajo kayise hasaawa hasiˈrinohalla ikki? Insa addinta ate kaaˈla hasidhannota qaagi. Annakkinna amakki diinu gede ikkikkinni kaaˈlaanokki gede assite lai. Annikkinna amakkira giddokkita fante hasaawate sharramakki, hegerera kaaˈlitannohe!—La 4:10-12.

WEDELLIMMATE HEESHSHOˈYA—ANNIˈYANNA AMAˈYA LEDO HASAAWA DANDEEMMOHU HIITTOONNIITI? YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Esterinna Paatiriki uminsa daafira maa huwatino?

• Yesuusi lawishshinni maa rosootto?

• Annikkinna amakki ate daafira hedannota leellishinohu hiittoonniiti?

• Annikkinna amakki ledo hasaawatto gede kaaˈlannohehu Qullaawu Maxaafihu xintu seeri hiikkonneeti?