SOQQANSHOTE DANDOOKKI WOYYEESSIˈRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Qullaawu Maxaafi Rosaanoˈne Gambooshshe Dagganno Gede Kaaˈlensa
Songote gambooshshi halaalu magansiˈrara lowo geeshsha hasiisannoho. (Fa 22:22) Yihowa magansiˈrate gamba yaannohu baalunku hagiirrenna atoote afiˈranno. (Fa 65:4) Qullaawu Maxaafi rosaano ganyite gambooshshe daggannoha ikkiro, ayyaanaamittetenni rakke lophitara dandiitanno.
Rosaanoˈne gambooshshe dagganno gede kaaˈla dandiitinannihu hiittoonniiti? Insa songote gambooshshe dagganno gede koyisa agurtinoonte. Insara Gambooshshu Addaraashenkera Maa Maa Assinanni? yitanno viidiyo leellishshensa. Qoleno gambooshshe dagguro afidhanno horo kullensa. (lff roso 10) Sai gambooshshira rossinoonnita mite hedo kula woy aananno gambooshshira maa maa ronsanniro haransitine kula dandiitinanni. Qoleno gambooshshunniwa xiinxallinanni borro uyiyyensa. Mitore assitineno kaaˈlensa. Gambooshshe dagganno gara injeessa hasiissannoˈneha ikkara dandaanno. Qullaawu Maxaafi rosaanoˈne mite yite gambooshshe dagguro, insa kaaˈlate assitinoonnirinni hagiidhitinanni.—1Qo 14:24, 25.
QULLAAWU MAXAAFI ROSAANOˈNE GAMBOOSHSHE DAGGANNO GEDE KAAˈLENSA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:
-
Niita, Jeedi songote gambooshshe dagganno gede koyisate hiittenne faro horoonsidhino?
-
Qullaawu Maxaafi rosaanonke songote gambooshshe dagganno woyite hagiidhineemmohu mayiraati?
-
“Halaalinta Maganu kiˈne ledo no”
Jeedi mite yite gambooshshe hadhu woyite wodanchitinori maati?
