Daawiti Yihowa addaxxino daafira Gooliyaadi qeelino. (1Sa 17:45) Yihowa baalanta soqqamaasinesi jawaachisha hasiˈranno. (2Du 16:9) Uminke woˈnaalshanna dandoo ikkikkinni Yihowa kaaˈlannonketa addaxxa dandiineemmohu hiittoonniiti? Hanni sase doogo laˈno:

• Duuchanka woyite huucciˈri. Soˈro loosittohu gedensaanni Yihowa maarannohe gede calla ikkikkinni, fonqolo ikkannori iillannohe woyite jawaante afiˈrateno huucciˈri. (Mt 6:12, 13) Mitto doorsha doodhittohu gedensaanni, Yihowa maassiˈrannohe gede huucciˈrantenni, doodhattora albaanni biddishshanna hayyo aannohe gede huucciˈri.—Ya 1:5

• Qullaawa Maxaafa nabbawatenna xiinxallate pirogiraame fushshiˈri. Qullaawa Maxaafa barru baala nabbawi. (Fa 1:2) Qullaawu Maxaafi giddo kulloonni lawishshuwa hiinci; hattono rosoottore loosu aana hosiisi. (Ya 1:23-25) Umikki dandoo addaxxantenni soqqanshote qixxaawi. Songote gambooshshinni woˈmunni woˈma horo afiˈrate seekkite qixxaawi.

• Yihowa dirijjite ledo buusante loosi. Yihowa dirijjite haarote uyitanno biddishsha bayichonkonni harunsi. (Ki 9:17) Songote cimeeyye amaalenna biddishsha uyitanno woyite macciishshi.—Ib 13:17

DARTE WAAJJINEEMMO GEDE ASSANNONKERI DINO YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Roduuwaho waajjishannohu hiittoo coyi iillinonsa?

• Insa waajja qeeˈlitanno gede kaaˈlinonsari maati?