Jaalla ikkate yaa “baxillunni mimmitu ledo quraanyamate” yaate. Lawishshaho, Daawiti Goliyaadi shiihu gedensaanni Daawitinna Yoonaataani lubbote jaalla ikkitino. (1Sa 18:1) Lamunkura kuˈu koˈonne baxxanno gede assitanno akatta noonsa. Hakko daafira, kaajjadu jaaloomira xintu mimmito seekke egennate. Mitto mancho seekke egennate yannanna sharro hasiissannoti egennantinote. Ikkollana interneete widoonni suˈmira jaallate yinannire kalaqiˈrate gariri assinanniri dino. Mittu manchi interneetete widoonni maa coyiˈrannoro balaxe hedanna mito geeshshano ikkiro wolootu isi daafira danchare heddanno gede assa dandaanno daafira, ayimmasi maaxa dandaanno. Hakko daafira interneetete widoonni jaalla assiˈneemmo manna qorophine doodha danchate. Gari geeshsha affinoonnikki manni interneetete widoonni jaala assiˈraˈnera xaˈmiˈrinero insa koffi assinammonte yitine waajjitine jaalaˈne assidhinoonte. Mitootu dagoomittete webisayite abbitanno gawajjo heddino daafira dihoroonsidhanno. Kayinni ati dagoomittete webisayite horoonsiˈra doodhittoro maa qaaga hasiissannohe?

DAGOOMITTETE WEBISAYITE HOROONSIˈRATTO WOYITE HAYYICHA IKKI YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Dagoomittete webisayitera mitore borreessattora woy foto worattora albaanni maa heda hasiissannohe?

• Interneetete widoonni jaalla assiˈratto manna qorophite doodha hasiissannohehu mayiraati?

• Dagoomittete webisayite horoonsidhanni sayisatto yanna ajisha hasiissannohehu mayiraati?—Ef 5:15, 16