Dotteessa 1-7
FAARSO 23-25
Faarso 4 nna Huuccatto | Hanafote Hedo (1 daq.)
1. “Kaaliiqi Allaalaanchoˈyaati”
(10 daq.)
Yihowa massagannonkenna agarannonke (Fa 23:1-4; w22.01 3-4 guf. 5-6)
Yihowa itisannonke (Fa 23:5; w11 5/1 31 guf. 5)
Mittu baxillaanchu allaalaanchi geˈreewosi towaatannonte gede Yihowano soqqamaanosi towaatanno.
ATENEETO TOGO YITE XAˈMI: ‘Yihowa towaatinoehu ma garinniiti?’
2. Maganu Qaalinni Ronseemmore
(10 daq.)
-
Fa 23:3—“Keeraanchimmate doogo” maati? Tenne doogonni fulleemmokki gede mayi kaaˈlannonke? (w11 2/15 24 guf. 1-3)
-
Tenne lamalate Qullaawu Maxaafi niwaawenni maa rossinoonni?
3. Qullaawu Maxaafi Niwaawe
(4 daq.) Fa 23:1–24:10 (th xiinxallo 5)
4. Hasaawa Hanafa
(3 daq.) SABBAKATE FULLOOMMOKKI WOYITE. Mannu assooti baattonke hunanni no yee yaadino manchira jawaachishanno qummeeshsha kuli. (lmd roso 2 naxiwe 5)
5. Faana Gana
(4 daq.) MINUNNI MINE. Hegerera Hagiidhitanni Heeˈra Dandaatto! yitanno biroshere uyinoonnisi manchira Qullaawa Maxaafa xiinxallinseemmo gara leellishi. (lmd roso 9 naxiwe 3)
6. Rosaano Assa
(5 daq.) lff roso 14 naxiwe 4 (lmd roso 11 naxiwe 3)
Faarso 54
7. Wosincho Huuro Dimacciishshineemmo
(15 daq.) Hasaawunni shiqqanno.
Geˈreewu allaalaanchinsa huuro bade afanno daafira hoodesi haˈranno. Wosincho huurowiinni kayinni xooqanno. (Yoh 10:5) Hatteente gede ninkeno baxxannonkerinna addaxxineemmo allaalaasinenke huuro, yaano Yihowanna Yesuusi huuro macciishshineemmo. (Fa 23:1; Yoh 10:11) Kayinni kapho ‘kalaqqe coyidhe’ ammananke ciiggishate woˈnaaltannori huuro horontanni dimacciishshineemmo.—2Ph 2:1, 3.
Kalaqama fooliishsho sase mannu ooso uullate aana mite yite wosincho huuro woy kapho macciishshitino yanna daafira kultanno. Sheexaanu buluulo gaˈnino kashilchi gede ikke Heewani soˈrisiisino. Isera qarraminoha lawe Yihowa daafira kapho coyiˈrino. Heewani isi yiinore macciishshite iseneetirano ikko sirchisera kulle gundannikki qarra abbitino; tini lowo geya dadillissannote.
Xaa yannara Sheexaanu, soˈrisiissanno mashalaqqe totae hattono waajjo kapho kaphe Yihowanna dirijjitesi daafira huluullammeemmo gede assate woˈnaalanno. Wosincho huuro macciishshineemmo woyite xooqa hasiissannonke. Maatiro afate yine shiima geya macciishsha nafa qarru giddo tuggara dandiitanno. Sheexaanu Heewani ledo harancho hasaawa hasaawi woyite, ise soˈrisiisate meˈˈe qaale coyiˈrino? (Ka 3:1, 4, 5) Mittu anfoommohunna baxannonke manchi, Yihowa dirijjite daafira gara ikkinokkire kulinkero maa assineemmo?
‘Wosincho Huuro’ Macciishshitinoonte yitanno VIIDIYO fani. Hakkiinni macciishshaano togo yite xaˈmi:
Yihowa Farciˈraasincho ikkitinokkiti Jeedi ama, isera Yihowa dirijjite daafira gara ikkinokkire kultasera kaˈu woyite, Jeedi assitinorinni maa ronseemmo?
8. Songonnita Qullaawu Maxaafi Xiinxallo
(30 daq.) lvs fool. 5 guf. 22-23 nna Xaphishsha
