Meya roduuwi Maganu Mangiste loosira lowore kaaˈlanno. (Fa 68:11) Insa batinye manna Qullaawa Maxaafa xiinxallisanno. Woˈma yanna suwisaano giddo batinyu meya roduuwaati. Diinaggaawe loosannohu lowo kume ikkannohu meya roduuwi Beeteelete soqqamanno, misiyoone ikke soqqamanno, Maganu mine mina kaaˈlanno, hattono tirote looso loosanno. Gikki yiinohu meya roduuwi maatensanna songo jawaachishanno. (La 14:1) Meya roduuwi cimeeyyenna songote soqqamaasine ikke soqqama dandaannokkiha ikkirono, songote giddo mixo fushshiˈra dandaanno. Ati meya rodootiro, soqqanshokki halashshiˈra dandaattati mite doogga hiikkuriiti?

• Maganu baxanno akatta lossiˈri.—1Xi 3:11; 1Ph 3:3-6

• Songote giddo gari woˈnaalshi noonsakkire meya roduuwa kaaˈli.—Ti 2:3-5

• Albinni roore seeda saate soqqamate woˈnaali, hattono soqqanshokki isilanchimma woyyeessiˈri

• Wole qaale rosi

• Sabbakkannori roore hasiissannowa hadhe soqqami

• Beeteelete soqqamate woy Maganu mine mina kaaˈlate forme wonshi

• Maganu Mangiste Sawaakooti Rosi Mine eˈe rosate forme wonshi

‘MOOTICHU SOQQANSHORA DAAFURANNI NOO MEENTO’ YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Mitte mittenti rodoo coyidhinori jawaachishinoˈnehu hiittoonniiti?