ROSO 59
Darte Cincite Saꞌꞌa Dandaatto
Muli yannara woy albillitte, mannu baalanka Kiristaana giwansa woy xiiwansa digattanno. Tenne waajja hasiissannonke?
1. Mannu xiiwankera dandaanno yine heda hasiissannonkehu mayiraati?
Qullaawu Maxaafi, “Kiristoosi Yesuusinni maganittete heeshsho heeꞌra hasiꞌranno baali xiiwamanno” yee xawise kulanno. (2 Ximootewoosi 3:12) Yesuusi Sheexaanu alame wido ikkinokki daafira dartu iillinosi. Ninkeno alamete wido diꞌꞌikkinoommo; hakko daafira alamete mangistubba woy ammaꞌnote dirijjitta xiibbunkero dhagge diassiꞌneemmo.—Yohaannisi 15:18, 19.
2. Dartu iillannonke woyitira qixxaawa dandiineemmohu hiittoonniiti?
Xaanni Yihowa addaxxa rosa hasiissannonke. Barru baala huuccatto assiꞌrattotinna Maganu Qaale nabbawatto yanna heedhohe. Ganyite songote gambooshshe haꞌri. Konne baala assittoro, aye darteno wole agurina miniꞌne manni giwannoheta nafa cincite saꞌꞌatto jawaante heedhannohe. Duucha hige dartu iillinosihu soqqamaasinchu Phaawuloosi, “Kaaliiqi kaaꞌlaanchoꞌyaatina diwaajjeemmo” yee borreessino.—Ibiraawoota 13:6.
Ganyine sabbakankeno worbuulle ikkineemmo gede kaaꞌlitannonke. Sabbaka Yihowa addaxxa ronseemmo gedenna manna waajjineemmokkire ikkineemmo gede assitannonke. (Lawishsha 29:25) Xa waajjittokki sabbaka rosittoro, gashshootu sabbankeemmota hoolinkero nafa sabbakate qixxaawoottoha ikkatto.—1 Teselonqe 2:2.
3. Dartu iillannonke woyite cincanke kaaꞌlitannonkehu hiittoonniiti?
Hige dartu umisi hagiirsiisannonke yaa diꞌꞌikkino; ikkirono dartu iilleennanke cincinummoro ammananke albinni roore kaajjado ikkitanno. Kageeshshi qarra dandee diafeemmo yine hendeemmo woyite Yihowa kaaꞌlannonke daafira, albinni roore isiwa gamba yineemmo. (Yaiqoobi 1:2-4 nabbawi.) Yihowa qarrammanna laꞌꞌanno woyite lowo geeshsha dadillanno; ikkirono qarra cincine saꞌneemmo woyite hagiidhanno. Qullaawu Maxaafi togo yaanno: “Danchumma assitinanni heedhineenna qarru amadeennaꞌne cincitiniro . . . Maganuwiinni galata afidhinanni.” (1 Pheexiroosi 2:20) Ammanatenni qarra cincite saꞌannorira baalaho Yihowa haaro alamera hegere heeshsho oye baꞌraasannonsa; hattee alamera halaalu magansiꞌra xiiwannohu diheeꞌranno.—Maatewoosi 24:13.
LEDDE XIINXALLI
Dartu heeꞌrirono Yihowara ammanamme heeꞌra dandiineemmo yineemmohu mayiraatironna isi baꞌraasannonkehu hiittoonniitiro rosi.
4. Miniꞌne manni giwiherono cinca dandaatto
Yesuusi, maatenke Yihowa magansiꞌneemmota baxa hooggara dandiitannota seekke afino. Maatewoosi 10:34-36 nabbabbe; hakkiinni tenne xaꞌmo hasaabbe:
-
Mittu manchi Yihowara soqqama doodhanno woyite maatesi miilla ma assitasira dandiitanno?
Tennera mitto lawishsha laꞌꞌate, VIIDIYO laꞌe; hakkiinni aante noo xaꞌmo hasaabbe.
-
Fiixikki woy jaalikki Yihowara soqqamattota hoolahera woꞌnaaliro maa assatto?
Faarso 27:10 nna Maarqoosi 10:29, 30 nabbabbe. Mitto mittonka qummeeshsha nabbabbinihu gedensaanni, tenne xaꞌmo hasaabbe:
-
Maatekki miilla woy jaallakki Yihowara soqqamattota hooltahera woꞌnaalturo, tini hexxo kaaꞌlitannohehu hiittoonniiti?
5. Dartu iilliherono Yihowa magansiꞌra agurtooti
Mannu Yihowara soqqammeemmota hoolanni heeꞌreennankenni isira soqqamate worbimma hasiissanno. VIIDIYO laꞌe; hakkiinni aante noo xaꞌmo hasaabbe.
-
Viidiyote giddo laꞌnummo roduuwi xagge jawaachishshinohehu hiittoonniiti?
Soqqamaasinete Looso 5:27-29 nna Ibiraawoota 10:24, 25 nabbabbe. Mitto mittonka qummeeshsha nabbabbinihu gedensaanni, tenne xaꞌmo hasaabbe:
-
Gashshootu sabbakate loosonke woy gambooshshenke hooliro nafa, woꞌmanka woyite Yihowa magansiꞌra lowo geeshsha hasiissannota ikkitinohu mayiraati?
6. Yihowa cincite saꞌꞌatto gede kaaꞌlannohe
Alamete doyichora noori Yihowa Farciꞌraasine ajuno akkaluno, dartu iillinsarono Yihowara ammanante soqqama dandiitino. Insa kaaꞌlinonsari maatiro afate, VIIDIYO laꞌe. Hakkiinni aante noo xaꞌmo hasaabbe.
-
Viidiyote giddo laꞌnummo roduuwi cincanno gede kaaꞌlinonsari maati?
Roomu Sokka 8:35, 37-39 nna 2 Qorontoosi 4:7 nabbabbe. Mitto mittonka qummeeshsha nabbabbinihu gedensaanni, tenne xaꞌmo hasaabbe:
-
Kuni qummeeshshi aye qarrano cincite saꞌꞌa dandaattota ammanatto gede assannohehu hiittoonniiti?
Maatewoosi 5:10-12 nabbabbe; hakkiinni tenne xaꞌmo hasaabbe:
-
Dartu iilliherono hagiidha dandaattohu mayiraati?
Lowo miliyoone ikkitannori Yihowa soqqamaasine dartu iillinsarono cincite saꞌꞌa dandiitino. Atino cincite saꞌꞌa dandaatto!
MITU MANNI TOGO YAANNO: “Dartu iilliero dandee saeemmoha dilawaae.”
-
Togoo manni waajjannokki gede hiikkuri qummeeshshuwa kaaꞌlitannonsaha lawaahe?
XAPHISHSHA
Yihowa dartu iillanni heeꞌreennankenni isira soqqamate sharrammeemmo woyite hagiidhanno. Qoleno isi kaaꞌlonni darte cincine saꞌꞌa dandiineemmo!
Kageeshsha Rosoottore
-
Kiristaanu dartu iillansara dandaannota heda hasiissannonsahu mayiraati?
-
Dartu iillannohe woyitira qixxaawate xa maa assa dandaatto?
-
Aye qarrino heeꞌreennanni Yihowara soqqama dandiineemmota huluullammeemmokkihu mayiraati?
EGENNO LEXXI
Mittu wedellichu rodii poletikaho anga wodha giweenna usurrisi yannara Yihowa kaaꞌlinosihu hiittoonniiti?
Mittu minaanninna minaama mannu giwinsarono lowo diro Yihowara ammaname soqqamanno gede kaaꞌlinonsari maatiro wodanchi.
Dartu iillannohe yannara worba ikka dandaatto gara rosi.
“Dartu Iillannoꞌne Woyitira Xaanni Qixxaabbe” (Agarooshshu Shae, Maaja 2019)
Mininke manni giwannonke woyite keeru heeꞌranno gede assanna Yihowara ammanama dandiineemmohu hiittoonniiti?
“Halaalu Salaame ‘Ikkikkinni Ola Haaꞌre Daanno’” (Agarooshshu Shae, Birra 2017)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
