GAFA 4
Insa Sheexaanu Yiinore Macciishshitino—Konnira, May Makkiyya?
Bushshu heeshsho afiꞌrinokkinte gede reyitinorino heeshsho diafidhino. Kalaqo 3:19
Heewani hamashshu yiinota macciishshite hoolloonni haqqichcho guma ittu. Hakkunni gedensaanni Addaamirano uyitu, isino iti.
Togo assansa soꞌrote, qoleno cubboho. Konni daafira Maganu qaensa ikkitinotenni Gannatetenni fushshinsa.
Insaranna oosonsara heeshsho mitiimmaame ikkitu. Yannate gedensaanni Addaaminna Heewani geedhite reyitu. Insa mittowano dihadhino; hatteentenni heeshsho noonsakkire ikkitino.
Addaaminna Heewani Maganoho hajajama gibbinohura reyitino. Kalaqo 3:6, 23
Ninke reyineemmohu Addaaminna Heewani sircho ikkinoommohuraati. Reyitinori laꞌꞌa, woyi macciishsha, woyi mittoreno assa didandiitanno.—Mekibibi 9:5, 10.
Yihowa manna kalaqinohu reyara diꞌꞌikkino. Konni daafira reyitinore muli yanna giddo kayisannonsa. Insa isi yaannore macciishshituro hegerera heedhanno.
Kurino Lai
KAA'LANNOHA QULLAAWU MAXAAFI ROSO
Mannu Reyanno Woyite Hiikkanno?
Reyinohu lowo manni Alaazaari gede reyotenni kaˈˈanno yanna daggannota Qullaawu Maxaafi kulanno.
KAA'LANNOHA QULLAAWU MAXAAFI ROSO
Maganu Qarru Heeˈrara Fajjinohu Mayiraati?
Batinyu manni, ‘Alamete aana qarrunna gibbo togo batidhinohu mayiraati?’ yee hedanno. Qullaawu Maxaafi tenne xaˈmora gari dawaro qolanno.
