MITU MANNI Maganu Mangiste mittu manchi wodani giddo Maganu moohannota leellishannorichooti yaanno; wolu qole mannu alame woˈmate salaamenna mittimma abbate sharramanno sharronni daanno coyeeti yee hedanno. Atera ma lawannohe?

QULLAAWU MAXAAFI MAYYAANNO?

“Gordu Magani horonta diigamannokki . . . gashshoote uurrisanno. Kuni wole [mannu] gashshoote baala coˈo asse hunanno.” (Daanieeli 2:44) Maganu Mangiste umosi dandiino gashshooteeti.

QULLAAWU MAXAAFINNI WOLERE MAA RONSEEMMO?

• Maganu Mangiste gashshitannohu iima heedheeti. —Maatewoosi 10:7; Luqaasi 10:9.

• Maganu iimiranna uullate hedinore wonshannohu tenne Mangiste widoonniiti.—Maatewoosi 6:10.

ATERA MA LAWANNOHE?

• Afinohu dino

• Muli yanna giddo dagganno

• Horonta didagganno

QULLAAWU MAXAAFI MAYYAANNO?

“Gosa baalate naqaashe ikkanno gede kuni Maganu Gashshootihu Danchu Duduwi gobba baalate kulamanno; hatte yannara goofimarchu daanno.” (Maatewoosi 24:14) Danchu duduwi woˈmunni woˈma duduwamihu gedensaanni Maganu Mangiste dagge tenne busha alame fiite huntanno.

QULLAAWU MAXAAFINNI WOLERE MAA RONSEEMMO?

• Maganu Mangiste mamoote daggannoro uullate aana noohu mittuno afinohu dino.—Maatewoosi 24:36.

• Qullaawu Maxaafi masaalo Maganu Mangiste mulenni daggannota leellishshanno.—Maatewoosi 24:3, 7, 12.