BAQQI YIIYYE! Kiiro 2 2018 | Maate Seekkannoha 12 Qara Coye
Maate Seekkannoha 12 Qara Coye
Duucha woyite, maate seekkannokki gede assannori maatiro kullanna macciishshineemmo. Ikkina maate seekkanno gede assannori maatiyya?
Yunayitidi Isteetisete, 1990 nna 2015 mereero noo dirra giddo adhama diigannohu 50 diro ale ikkannonsa manni kiiro ero ikkitino; 65 diro ale ikkannonsa manni kiiro kayinni sase ero ikkitino.
Annuwahonna amuuwaho coyi gurchaawinonsa: Mitu egennaammi, ooso assiture assiturono insa naada hasiissanno yitanno; wolootu kayinni oosote godowa leellishiꞌra dihasiissanno yitanno.
Wedellootu qinaabbino heeshsho heeꞌrate kaaꞌlitannonsa ogimmanna dandoo rossukki lophitanno.
Ikkirono, . . .
Adhanna adhama hagiirsiissannotanna geedonnita assiꞌra dandiinanni.
Annuwunna amuuwu oosonsa baxillunni seejjitanno gara rosa dandiitanno.
Wedellootu jajjabba ikkitanno woyitira hasiissannonsa dandoonna ogimma rosa dandiitanno.
Kuni ikkannohu hiittoonniiti? Tini Baqqi Yiiyye! yinanni metseete maate seekkannoha 12 qara coye kultanno.
1: Ammaname Heeꞌrate Murciꞌra
Minaanninna minaama ammaname mitteenni heeꞌrate assa dandaannoha sase coye.
2: Kaaꞌlame Loosa
Galtekki ledo mulla ledo heeꞌranno manni gede ikkitine heedhinoonniha lawannohe?
3: Mimmito Ayirrisa
Galtekki ayirrisattoseta affanno gede assannore coyiꞌranna assa dandaattohu hiittoonniitiro rosi.
4: Gatona Yaa
Galtekkita guuntete xeꞌne illachishattokki gede mayi kaaꞌlannohe?
5: Hasaawa
Oosoꞌnewa roore shiqate kaaꞌlannoha sase qara coye.
6: Seejjo
Seejjo ooso hutissannoni?
7: Amanyootu Seerinni Heeꞌra
Oosoꞌnera rosiisa hasiissannoꞌne seeri hiikkonneeti?
8: Lawishsha Ikka
Oosoꞌne, coyidhinannire assitara hasidhiniro coyidhinanniri assitinanniri ledo sumuu yaannoha ikka hasiissannosi.
9: Ayimmakki Afa
Wedellootu ammantino coye seekkite cuꞌmiꞌra dandiitannohu hiittoonniiti?
10: Ammaꞌninanniha Ikka
Lophitine miqichaamma ikkate anniꞌnenna amaꞌne ammaꞌnitannoꞌnere ikke.
11: Chaachaara Ikka
Wedellimmakkinni diinaggaabbe loosa rosa, heeshshokki woꞌmate kaaꞌlitannohe.
12: Mixo Fushshiꞌra
Fushshiꞌrootto mixo wonshiꞌrittoro worba ikkatto, wolootu ledo noohe jaaloomi kaajjanno hattono hagiirraamo ikkatto.
Maatete Kaaꞌlannore Wolere
Qullaawu Maxaafi amaale adhamaꞌne seekkanno gedenna maatekki hagiirraame ikkitanno gede assitanno.
