Kaaꞌlame loosanno minaanninna minaama, horophilla oofanno manchinna kaaꞌlaanchisi gedeeti. Togoo minaanninna minaama qarru kalaqamanno woyite nafa, “ninke” yee hedanno ikkinnina “ani” yee dihedanno.

QULLAAWU MAXAAFI BIDDISHSHA: “Insa kunni kaꞌa mitto bisooti ikkinnina lame diꞌꞌikkitino.”—Maatewoosi 19:6.

“Adhanna adhama mittu manchi calla sirbanno madirake gede diꞌꞌikkitino. Adhamansa seekkanno gede, minaanninna minaama kaaꞌlame loosa hasiissannonsa.”—Kiristooferi.

Kaaꞌlame loosate rosichi noonsakki minaanninna minaama, qarru kalaqamanno woyite qarra tira agure mimmito bushiishate higanno. Shiimu coyi lophe lowo qarra ikkara dandaanno.

“Adhanna adhama seekkanno gede kaaꞌlame loosa lowo geya hasiissanno. Aninna minaanniꞌya kaaꞌlamme loonseemmokkiha ikkoommero, mulla ledo calla heeꞌranno manni gedella ikkine ganteemmo; togoo manni mitteenni heeꞌrannoha ikkirono, jajjabba coye doodhanno woyite anna anna doodhanno.”—Aliksaandira.

ATENEETO LAYIꞌRI

• Loose afiꞌreemmo woxe “ane calliho” yee hedeemmo?

• Roore hisateemmohu galteꞌya ledo noommokki woyiteeti?

• Galteꞌya ayiddisewa gamba yaa baxxannoha ikkirono, ani insawa gambo giweemmo?

AANTE NOO XAꞌMUWA GALTEꞌNE LEDO HASAABBE

• Dancha gede kaaꞌlamme loonsanni heeꞌnoommohu hiittee doogganniiti?

• Albinni roore kaaꞌlamme loosa hasiissannonkeri maati?

• Kaaꞌlamme loonseemmo gara woyyeessiꞌrate maa maa assa dandiineemmo?

KAAꞌLITANNO AMAALE

• Hanni lame gaamo angate kaase gaꞌnitanni no yine hendo. Ati mitte gaamo wido ikkiteenna galtekki kayinni layinki gaamo wido ikkite no. Hatteentenni, galtekki ledo mitte gaamo wido ikkitine godoꞌlitinanni gede maa assa dandiitinanni?

• ‘Qeela dandeemmohu hiittoonniiti?’ yee hedantenni, ‘Qeela dandiineemmohu hiittoonniiti?’ yitine hedde.

“‘Tini ane soꞌrootinso ate soꞌrooti?’ yaa agurre. Adhamaꞌnera roore hasiisanno coyi mereeroꞌne keerunna mittimma heeꞌrate.”—Eetaani.

QULLAAWU MAXAAFI BIDDISHSHA: “Mittu mittunku woleho woyyannore hedo ikkinnina, umisira woyyannore calla laoonke.”—Filiphisiyusi Sokka 2:3, 4.