A o soifua Iesu i le lalolagi, na ia faaalia le tele o lona alofa i tagata aemaise tagata matitiva ma lotomafatia. (Mataio 9:36) Na ia faataulaga foʻi lona ola mo le lelei o isi. (Mataio 20:28; Ioane 15:13) Ua toeitiiti ona ia toe faamaonia lea o lona alofa mo tagata, e ala i le faaaogā o lana pule o le Tupu o le Malo o le Atua e tafiesea ai le tulaga mativa i le lalolagi aoao.

 E mataʻina le auala o loo faamatala ai i le Tusi Paia gaoioiga o le a faia e Iesu:

•   “Ia puipuia e ia o ē ua faatauvaa o le nuu, ia faaolaina e ia le fanau a lē ua mativa.”—Salamo 72:4.

 E faapefea ona faaalia lo tatou talisapaia o mea ua faia ma mea o le a faia e Iesu mo i tatou? Na fetalai atu Iesu i ona soo i le Luka 22:19 ina ia latou faamanatu lona maliu. O le māfuaaga lenā e potopoto faatasi ai Molimau a Ieova i le aso e faamanatu ai lona maliu i tausaga taʻitasi. O lea, e matou te valaaulia ma le faaaloalo oe ina ia tatou auai faatasi i le Faamanatuga o le maliu o Iesu i le Aso Sa, Mati 24, 2024.

Saʻili se Faamanatuga