E matuā tāua i le silasila a Ieova le tautoga o le faaipoipoga, ma e finagalo o ia i tane ma avā ia faatumau le la faaipoipoga. (Mat 19:5, 6) E tele faaipoipoga taulau manuia a tagata e auauna i le Atua. Peitaʻi, e leai se faaipoipoga e lelei atoatoa, e iai lava faafitauli. E lē tatau ona iā i tatou le manatu taatele e faapea, o le nonofo eseese ma le teteʻa o le tali lenā o faafitauli a ulugalii. E faapefea i ulugalii Kerisiano ona leoleoina a latou faaipoipoga?

Iloilo ni manatu tāua se lima.

1. Ia puipui lou loto e ala i le teena o le faatafai ma faafiafiaga lē mamā, ia e faavaivaia ai se faaipoipoga.​—Mat 5:28; 2Pe 2:14.

2. Ia faamalosia le lua faiā ma le Atua, ma ia naunau e faafiafia o ia i lau faaipoipoga.​—Sl 97:10.

3. Ia faaauau ona ofu i le tagata fou, ma faaalia le agalelei e ala i le faia o gaoioiga lāiti lea e mafai ona faafaigofie ai le olaga o lau paaga.​—Ko 3:8-10, 12-14.

4. Ia faatumau fesootaʻiga lelei ma faaaloalo.​—Ko 4:6.

5. Ia avatu e le tasi i le isi le mea e tatau ai i le faaipoipoga i se auala alofa.​—1Ko 7:3, 4; 10:24.

Pe a faaaloalogia e Kerisiano le faaipoipoga, ua latou faamamaluina foʻi Ieova, o Lē na faavaeina faaipoipoga.

MAIMOA I LE VITIŌ E TATAU ONA TATOU “TAUFETULI MA LE ONOSAʻI”​—USITAʻIA TULAFONO O LE TUUGA , ONA TALI LEA O FESILI NEI:

• E tusa lava pe lelei le amataga o se faaipoipoga, ae o ā luʻi e ono tulaʻi mai?

• E faapefea ona fesoasoani mataupu silisili o le Tusi Paia iā i latou ua leai se alofa i a latou faaipoipoga?

• O ā tulafono ua saunia e Ieova mo faaipoipoga?

• O le ā e tatau ona faia e se ulugalii ina ia taulau manuia ai le faaipoipoga?