Ua faatumulia le olaga i aso e gata ai i le tele o faafitauli. A o tatou latalata atu i le iʻuga o lenei faiga o mea, o le faateteleina foʻi lenā o faafitauli. Atonu o le a faasolosolo foʻi ina utiuti mea e tatou te maua. (Sap 3:16-18) O le ā e fesoasoani iā i tatou e fesagaʻia ai ma le mautinoa tulaga faigatā tau tamaoaiga? E tatau ona tatou maufaatuatuaina pea lo tatou Atua o Ieova. Ua ia folafola mai e na te tausia ana auauna, ma e mafai ona ia saunia mea e tausia ai i tatou tusa lava po o ā tulaga e tulaʻi mai.—Sl 37:18, 19; Epe 13:5, 6.

Mea e mafai ona e faia:

• ʻAiʻoi iā Ieova mo le taʻitaʻiga, atamai ma lana lagolagosua.—Sl 62:8

• Ia lotomalie e faia galuega atonu e te leʻi faia muamua.—g-E 1/10 8-9, pusa

• Ia faatumauina se faasologa faaleagaga, e aofia ai le faitau o le Tusi Paia i aso taʻitasi, auai i sauniga a le faapotopotoga, ma faia se sao i le talaʻiga

MAIMOA I LE VITIŌ IA FAUSIA SE FALE E TUMAU—IA “LOTOMALILIE I MEA UA IAI,” ONA TALI LEA O FESILI NEI:

• O ā luʻi o loo fesagaʻia e nisi o aiga?

• O le ā le mea e sili ona tāua i le olaga?

• E faapefea ona tatou fesoasoani i ē o loo fesagaʻia tulaga faigatā tau tamaoaiga?