LE VAIFOFŌ O LE POPOLE
Se Olaga e Aunoa ma le Popole
O le atamai o loo i le Tusi Paia e mafai ona fesoasoani iā i tatou e ʻalofia ai popole e lē manaʻomia. E lē mafai ona tatou aveesea le popole, ae e mafai e Lē na Foafoaina Mea ma ua ia tofia Iesu Keriso e na te faia faapea. I le lalolagi atoa, ua toeitiiti ona faia lea e Iesu o mea e sili atu ona matagofie nai lo o mea na ia faia a o iai i le lalolagi. Mo se faataʻitaʻiga:
O LE A FAAMĀLŌLŌ E IESU Ē MAMAʻI, E PEI ONA IA FAATAʻITAʻI MAI.
“Ona latou aumai lea iā te ia o i latou uma ua mamaʻi ma mafatia i faamaʻi eseese . . . , ma ua ia faamālōlō i latou uma.”—MATAIO 4:24.
O LE A SAUNIA E IESU MEAʻAI MA FALE MO TAGATA UMA.
“O le a latou [tagatānuu a Keriso] fausia fale ma nonofo ai; e latou te totō foʻi togāvine ma aai i ona fua. O le a latou lē fausia ae e nonofo ai isi; o le a latou lē totō ae e aai ai isi.”—ISAIA 65:21, 22.
O LE A AUMAIA E LE PULEGA A IESU LE FILEMU MA LE SAOGALEMU I LE LALOLAGI ATOA.
“O lana nofoaiga, e tupu olaola ai lē e amiotonu, e tele foʻi le filemu seʻia leai se masina. E pule o ia i ona tagatānuu mai i le tasi sami e oo i le isi sami. E mai i le Vaitafe foʻi e oo atu i tuluʻiga o le lalolagi. . . . E eto foʻi e ona fili le pefu.”—SALAMO 72:7-9.
O LE A AVEESEA E IESU FAIGA LĒ TONU.
“E tigā alofa o ia i lē ua faatauvaa ma lē ua mativa, e faaola foʻi e ia o ē ua matitiva. E laveaʻiina e ia i latou mai i le pule sauā ma faiga sauā.”—SALAMO 72:13, 14.
O LE A AVEESEA FOʻI E IESU MAFATIAGA MA LE OTI.
“E lē toe iai se oti, po o se faanoanoa, po o se tagiauē, e lē toe iai foʻi se tigā.”—FAAALIGA 21:4.
