‘E Fesoasoani iā te A‘u e Onosaia ai Faigatā’

O le faamatalaga lenā a se tasi tagata mai Connecticut i le Iunaite Setete, na faitau i le tusi Faalatalata Atu iā Ieova. Fai mai ā ia, “Ou te su‘esu‘e sina vaega mai le tusi i aso ta‘itasi. E iai aso e tau lē mafai ai ona ou mānava ona o lo‘u lagona mafatia, ae e mafai ona ou onosaia faigatā e ala i le su‘esu‘eina o le tusi mo sina taimi.”

Na ia fai mai atili: “Ou te lagona le faamāfanafanaina pe a ou vaai i le ata o le leoleo mamoe alofa, o loo i le itulau e 69, ma ou te talisapaia tele le manatu o loo i le itulau e 28, palakalafa e 8, e faatatau i le mea na oo iā Mose i le laau na mū, ona e ‘oo lava i lenā eleele sa latalata ane, sa paia uma ona o lenā fesoota‘iga ma Ieova!’ Afai ua paia le eleele po o le palapala ona o le faatasi atu o Ieova, talosia e mafai fo‘i e Ieova ona faia faapea iā te a‘u. E aogā tele lea manatu iā te a‘u ona e fai lava ma oso lo‘u ma‘i o le iai o lagona mafatia.”

E matou te talitonu o le a aogā iā te oe lou faitauina o le tusi e 320 ona itulau, o le Faalatalata Atu iā Ieova. Faatumu le kuponi o loo i lalo pe a e mana‘o i sau tusi, ma lafo atu i le tuatusi o loo iai, po o le tuatusi sa‘o e maua i le itulau e 5 o lenei mekasini.

□ Ou te mana‘o i sa‘u tusi o le Faalatalata Atu iā Ieova

□ Faamolemole ou te mana‘o e fai sa‘u su‘esu‘ega faale-Tusi Paia e aunoa ma se totogi.