“Ia oo Mai Lou Malo”—Le Tatalo O Loo Faia E Le Faitau Miliona O Tagata
Pe na e tatalo i le Malo o le Atua ina ia oo mai? I le tele o senituri o loo faaauau pea ona faia e tagata nei upu: “Ia oo mai lou malo.” Aiseā ua faaauau ai pea ona latou faia nei upu? Talu ai na faatonuina e Iesu ona soo ina ia tatalo mo le Malo o le Atua.
I le taimi muamua e leʻi malamalama soo o Iesu i mea uma e faatatau i le Malo. Na latou fesili atu iā te ia: “Le Alii e, pe e te toe faavaeina le malo iā Isaraelu i le taimi lenei?” Atonu na faateʻia i latou ina ua lē avatu e Iesu se tali patino. (Galuega 1:6, 7) Po o lona uiga e lē mafai ona tatou iloa mea e faatatau i le Malo o le Atua ma le taimi e oo mai ai? E leai.
I lenei lomiga o Le Olomatamata o le a fesoasoani iā i tatou e taliina ai fesili nei:
Aiseā e tatou te manaʻomia ai le Malo o le Atua?
O ai le Tupu o le Malo o le Atua?
O afea o le a pule ai le Malo o le Atua i le lalolagi?
O le ā le mea o le a faia e le Malo o le Atua mo tagata?
Aiseā e tatau ai ona tatou filifili e lagolagoina le Malo o le Atua i le taimi nei?
O le ā le Malo o le Atua?
E te Ono Fiafia Foʻi
LE OLOMATAMATA
Aiseā e tatou te tatalo ai ia oo mai le Malo o le Atua?
O ā mea o le a faia e le Malo o le Atua ae lē mafai ona faia e faigamalo a tagata?
A'OA'OGA FAALE-TUSI PAIA
O le ā le Malo o le Atua?
I le faiva a Iesu i le lalolagi, e tele atu taimi na ia talanoa ai i le Malo o le Atua nai lo se isi lava mataupu. Ua tele senituri, o tatalo ona soo ina ia oo mai lenā Malo.
