Pe a tatou faitau le Tusi Paia, e mafai ona tatou faaaogā le tele o meafaigaluega e suʻesuʻe ai ina ia malamalama ai i mea o loo tatou faitauina. Peitaʻi, e lē lava le tau ina suʻesuʻe. E tatou te mananaʻo e saʻili ni ʻoa faaleagaga e faatatau i uiga o Ieova, lea e faamalosia ai lo tatou alofa mo ia. Ina ia faia faapea, ia tatou fesili ifo, ʻO le ā ua ou aʻoaʻoina mai i lenei mau e faatatau iā Ieova?’

E mafai ona tatou saʻili faamaoniga o uiga matagofie o Ieova e pei o le alofa, atamai, faamasinotonu, ma le malosi. Peitaʻi, e tele isi uiga matagofie o Ieova e mafai ona tatou aʻoaʻoina. O fea e mafai ona tatou maua ai isi faamatalaga e faatatau i ona uiga?

Tagaʻi i le Tusi Taʻiala mo Saʻiliʻiliga a Molimau a Ieova i le ulutala “Ieova le Atua” o loo iai le tamaʻi ulutala “O Uiga o Ieova.” Ia uaʻi atu i uiga o Ieova o loo faamatilatila mai i mea o loo e faitauina i le Tusi Paia.