O le Soifuaga o Iesu ma Lana Faiva

O Lona Lua o Vavega i Kana

Ina ua toe foi atu Iesu i lona nuu ina ua mavae ona auai i se galuega talai tele i Iutaia, e le ina ia malolo ai. Na i lo o lea, na ia amataina se isi foi faiva e sili atu ona tele i Kalilaia, le nuu na ia soifua ae ai. A e peitai, o ona soo na i lo le nonofo ma ia, na toe foi atu i o latou aiga ma a latou galuega sa i ai muamua.

O le a le feau na amata e Iesu ona talaia? O lenei: “Ua latalata mai le Malo o le Atua, ina salamo ia, ma talitonu i le tala lelei.” Ma o le tali? Na talia e tagata Kalilaia Iesu. Sa faaaloalogia o ia e tagata uma. A e peitai e lei aumaia lenei mea ona o lana feau, a e, talu ai ona o le toatele o i latou sa i le Paseka i Ierusalema i ni masina a o lumanai lena taimi ma na latou vaaia ai faailoga ofoofogia na ia faia.

Atonu sa amataina loa e Iesu lana faiva sili i Kana i Kalilaia. Muamua lava, e te manatua i lona toe foi mai i Iutaia, na ia liliuina ai le suavai i le uaina i le tausamaaga o se faaipoipoga i ina. O le mea lona lua o le atalii o se taʻitaʻi ʻau sili a Herota Anetipasa ua mai tele o ia. Ina ua faalogo ua foi mai Iesu ma i Iutaia Kana, sa faimalaga mamao atu lava lenei taʻitaʻi ʻau mai lona aiga i Kapanaumi e saili ai te ia. Sa augani atu o ia, ma nanati atu” ‘Faamolemole sei e maliu mai lava a o lei oti loʻu atalii.’

Ona tali atu lea o Iesu: ‘Foi ia i lou fale. Ua malolo lou atalii!’ Sa talitonu le taʻitaʻi ʻau a Herota ma amata ona toe foi atu i se malaga umi i lona aiga. I le ala na fetaiai ai o ia ma ana auauna, o e na o mai faanatinati ina ia taʻu atu ia te ia ua malolo lona atalii! ‘O anafea na malolo ai o ia?’

ʻO ananafi i le itula e 1:00 p.m.’ sa latou tali mai ai.

Sa iloa lelei e le taʻitaʻi aʻu o le itula tonu lava lea na fetalai atu ai Iesu, ‘Ua malolo lou atalii!’ Ina ua mavae lena mea, ona avea ai lea o le tamaloa ma lona aiga atoa ma soo o Keriso.

Sa avea Kana ma nofoaga taulia ona o le nofoaga lea e faailoa atu ai lona foi mai mai Iutaia, e faalua ona faia ai e Iesu vavega. O le mea moni, e le ona pau na o vavega na ia faia e oo mai i na aso, a e na taulia ona sa faailogaina ai lona toe maliu mai mai Kalilaia.

Ua agai atu nei Iesu i Nasareta. O le a o faatali mo ia i ina? Ioane 4:43-54; Mareko 1:14, 15; Luka 4:14, 15.

◆ Ina ua foi atu Iesu i Kalilaia, o le a le mea na tupu i lona au soo, ma na faapefea ona talia o ia e tagata?

◆ O le a le vavega na faia e Iesu, ma na faapefea ona aafia ai tagata sa i ai?

◆ Ua faapefea ona taulia Kana i a Iesu?

 [Ata atoa i le itulau 8]