Se Tusi Faamaonia o le Lelei Tele

O LE tusi lenā na avatu e le Association of Congolese and African Journalists (AJOCAD) i le Malo Faatemokalasi o Kogo, e “taui ai tagata taʻitoʻatasi po o ni faalapotopotoga lautele o ē ua iloga ona o se sao na latou faia i le atinaʻeina o [le Kogo].”

Iā Novema 17, 2000, na tuuina atu ai se Tusi Faamaonia o le Lelei Tele i Molimau a Ieova ona o “lo latou sao na faia i le atinaʻeina o tagata o le Kogo [e ala] i aʻoaʻoga o loo iai i a latou lomiga.”

I se faamatalaga e faatatau i le faailoga, na taʻua ai i le nusipepa a Kinshasa o Le Phare e faapea: “E seāseā lava maua se tagata Kogo e faapea mai e leʻi faitau lava i mekasini o Le Olomatamata ma le Ala Mai! po o isi lomiga a Molimau a Ieova. Ua talanoaina i nei mekasini vala uma lava o le olaga.” Na taʻua foʻi i le mataupu e faapea, ua faailoa mai i lomiga “le auala e foʻia ai faafitauli o loo iai i aso nei” ma faasino atu foʻi i “le uiga moni o loo i tua o mea tutupu i aso nei.” O lomiga taʻitasi o le Ala Mai! “e tausisia pea lona solitū i faiga faapolotiki, ma na te lē faasilisilia se tasi ituaiga o tagata mai isi ituaiga.” E lē gata i lea, e ati aʻe e lomiga le “faatuatua atu ma le mausalī i folafolaga a Lē na Foafoaina Mea e uiga i le lalolagi fou filemu ma le saogalemu lea ua toe o se aga ona suia ai lea o le faiga o mea amioleaga, ma le solitulafono o loo iai nei.”

E pei ona mātauina e le AJOCAD, ua faamaonia le aogā tele o lomiga a Molimau a Ieova i se vaega tele o tagata o le Kogo. O la latou feʻau e faagaee ai le faamoemoe lea o loo maua i le faitau selau o gagana, e mafai foʻi ona aogā iā te oe.

Faamolemole faitau le faamatalaga lea o loo i lalo ina ia iloa ai pe faapefea ona e mauaina mai ai aogā.