I le pō a o lumanaʻi le maliu o Iesu, na ia faatonuina ai ona soo faamaoni ina ia faamanatuina lona maliu. Na ia faavaeina le Talisuaga Mulimuli po o le Talisuaga Afiafi a le Alii, ma na ia faaaogāina le falaoa e lē faafefeteina ma le uaina mūmū. Na ia faapea atu i ona soo: “Ia faia pea lenei mea e fai ma faamanatuga iā te aʻu.”​—Luka 22:19.

I tausaga taʻitasi, e potopoto ai Molimau a Ieova i le lalolagi aoao e faamanatu le maliu o Iesu. I le 2014, o le a faia ai le Faamanatuga o le maliu o Iesu, i le Aso Gafua, Aperila 14, pe a goto le lā.

E valaaulia ma le māfana oe e auai i lenei sauniga, lea o le a e maua ai nisi faamatalaga atili i le tāua o le maliu faataulaga o Iesu. E leai se totogi, ma e lē aoina ni peleti. E taʻu atu e le tagata na tuuina atu iā te oe lenei mekasini, le taimi ma le nofoaga o le a faia ai le Faamanatuga i la outou vaipanoa, pe tagaʻi i la matou tuatusi i le initaneti o le jw.org. E matou te faamoemoe o le a e lē misia lenei sauniga.