O le Tusi i le Faapotopotoga i Roma 5:1-21
5 O lenei, talu ai ua taʻuamiotonuina i tatou ona o le faatuatua,+ inā tatou olioli ia i le filemu* ma le Atua e ala i lo tatou Alii o Iesu Keriso,+
2 o ia foʻi ua tatou maua ai le faatuatua e ala i lenei agalelei faifua ua tatou iai;+ ma ia tatou olioli* ona o le faamoemoe i le mamalu o le Atua.
3 E lē gata i lea, ia tatou olioli* i puapuaga,+ auā ua tatou iloa o puapuaga e iʻu ai ina tatou tumau;+
4 o le tumau e maua ai le finagalo malie o le Atua;+ o le finagalo malie o le Atua e tupu ai le faamoemoe,+
5 ma o le faamoemoe e lē iʻu ai i le faanoanoa;*+ auā ua liligi mai i o tatou loto le alofa o le Atua e ala i le agaga paia, lea na tuuina mai iā i tatou.+
6 Auā na maliu Keriso i le taimi atofaina mo tagata lē amioatua, a o tatou vaivai pea.+
7 E toetoe ina a lē mafai ona oti o se tasi e sui aʻi se tagata e amiotonu; ae atonu e lototele se tasi e oti mo se tagata lelei.
8 Peitaʻi ua faaali mai e le Atua lona lava alofa iā i tatou, auā na maliu Keriso mo i tatou a o tatou agasala pea.+
9 O le mea lea, ona ua taʻuamiotonuina nei i tatou i lona toto,+ e mautinoa o le a faaolaina i tatou mai le toʻasā o le Atua e ala iā te ia.+
10 Auā afai na tatou toe lelei ma le Atua e ala i le maliu o lona Alo+ a o fai i tatou ma ona fili, e sili atu la ona faaolaina i tatou i lona ola, ona o lenei ua tatou lelei ma le Atua.
11 E lē gata i lea, ua tatou olioli foʻi i le Atua ona o lo tatou Alii o Iesu Keriso, o lē ua tatou maua ai nei le leleiga.+
12 O le mea lea, e pei ona oo mai o le agasala i le lalolagi ona o le tagata e toʻatasi, o le oti foʻi ona o le agasala,+ ona oo mai ai lea o le oti i tagata uma auā ua agasala uma lava+—.
13 Auā na iai le agasala i le lalolagi a o leʻi iai le Tulafono, ae e lē taʻusalaina se tasi pe a leai se tulafono.+
14 Peitaʻi, na pule le oti e pei o se tupu mai iā Atamu e oo iā Mose, e oo lava iā i latou e leʻi agasala e pei o le agasala a Atamu, o ia ua fai ma faatusa o lē e maliu mai.+
15 Ae o le iʻuga o le meaalofa e lē pei o le iʻuga o le agasala. Pe afai ua oti le toʻatele i le agasala a le tagata e toʻatasi, e sili atu* aogā e maua e le toʻatele+ mai i le agalelei faifua o le Atua ma lana meaalofa foa‘ifua, lea ua ala mai i le agalelei faifua o le tagata e toʻatasi+ o Iesu Keriso!
16 E lē pei foʻi le meaalofa foa‘ifua o le mea na oo mai ina ua agasala le tagata e toʻatasi.+ Auā ua oo mai le faasalaga ona o le agasala e tasi,+ ae ua oo mai le meaalofa foa‘ifua ona o le tele o solitulafono, ma ua taʻuamiotonuina ai.+
17 Afai ua pule le oti e pei o se tupu ona o le agasala a le tagata e toʻatasi,+ e sili atu la i latou ua maua le tele o le agalelei faifua ma le meaalofa foa‘ifua o le amiotonu+ ona pule o ni tupu+ i le ola, e ala i le tagata e toʻatasi o Iesu Keriso!+
18 O lea la, na faasalaina ituaiga uma o tagata ona o le mea sesē e tasi,+ e faapena foʻi ona taʻuamiotonuina mo le ola ituaiga uma o tagata,+ ona o le gaoioiga amiotonu e tasi.+
19 E pei ona agasala le toʻatele ona o le lē usiusitaʻi o le tagata e toʻatasi,+ e faapea foʻi ona taʻuamiotonuina le toʻatele ona o le usiusitaʻi o le tagata e toʻatasi.+
20 O lenei, na faaopoopoina foʻi le Tulafono ina ia faaalia ai le matuā agasala o tagata.+ Peitaʻi ina ua faateteleina le agasala, ua atili ai ona faaalia e le Atua lona agalelei faifua.
21 O le ā e iʻu i ai? E pei ona pule le agasala ma le oti o ni tupu,+ e faapea foʻi ona pule le agalelei faifua o se tupu, ona o le amiotonu e oo ai i le ola e faavavau, e ala iā Iesu Keriso lo tatou Alii.+
Faamatalaga Pito i Lalo
^ Pe atonu “ua tatou maua le filemu.”
^ Pe atonu “ua tatou olioli.”
^ Pe atonu “ua tatou olioli.”
^ Po o le “e lē mā ai.”
^ Po o le “e fau ma soloi.”
