Salamo 109:1-31
I le faatonu o le ʻaufaimusika. O le pese a Tavita.
109 Le Atua e, o lē ou te vivii atu i ai,+ aua neʻi e lē tali mai.
2 Auā ua tautatala faasagatau mai iā te aʻu gutu o tagata amioleaga ma ē e faaʻoleʻole.
Ua latou tautatala e uiga iā te aʻu i laulaufaiva pepelo;+
3 Ua latou siʻomia aʻu i upu o le ʻinoʻino,Ma latou osofa‘ia aʻu e aunoa ma se māfuaaga.+
4 Ua latou tetee mai iā te aʻu e taui ai lo‘u alofa;+Ae ou te tatalo pea.
5 Ua latou taui mai lo‘u lelei i le leaga+Ma le ʻinoʻino e taui ai loʻu alofa.+
6 Ia tofia sē e amioleaga e pule iā te ia;Tau ina ia tū i lona itu taumatau sē e tetee.*
7 Pe a faamasinoina o ia, ia ta‘usalaina o ia;*Tau ina ia avea lana tatalo o se agasala.+
8 Ia faaitiitia ona aso;+Ia ave e se tasi lona tofi o se ovasia.+
9 Ia avea lana fanau* o ni ē ua leai se tamā,Ma lana avā ia avea ma fafine ua oti lana tane.
10 Tau ina ia avea lana fanau* o ni ē e feoaʻi solo ma ʻaisi,E saʻili meaʻai mai i o latou fale ua faatafunaina.
11 Tau ina ia ave e lē ua ia nofo aitalafu ai* ana mea uma,Ia faoa foʻi e tagata ese ana oloa.
12 Tau ina ia aua neʻi faaalia e se tasi le agalelei* iā te ia,Ia aua foʻi neʻi faaalia e se tasi le alofa i lana fanau ua leai se tamā.
13 Ia vavaeeseina o ē e tupuga mai iā te ia;+Tau ina ia soloiesea o latou igoa a o le‘i oo mai le isi tupulaga.
14 Ia manatua e Ieova mea sesē a ona augātamā,+Ma ia aua neʻi soloiesea le agasala a lona tinā.
15 Tau ina ia manatua pea e Ieova le mea na latou faia;Ma ia tineia e ia mai i le lalolagi mea e manatua ai i latou.+
16 Talu ai e na te le‘i manatua e faaalia le agalelei,*+Ae na ia tulituliloa pea le tagata ua sauāina,+ mativa, ma lē ua lotomomomoIna ia fasiotia o ia.+
17 Na fiafia o ia e faamalaia atu, o lea na oo mai ai le malaia iā te ia;E leʻi fiafia o ia e faamanuia atu, o lea e na te le‘i maua ai se faamanuiaga.
18 Ua ia faaofu o ia i le malaia e pei o se ofu.
Ma ua oo i totonu o lona tino e pei o vai,I totonu fo‘i o ona ponaivi e pei o le suāuu.
19 Tau ina ia pulupulu o ia i le malaia e pei o ofu ua ia pulupulu ai,+E pei foʻi o se fusi e fusi ai o ia i taimi uma.
20 O le taui lenei mai iā Ieova mo lē e teena aʻu+Ma i latou e tautatala i mea leaga faasaga iā te aʻu.
21 A o oe Ieova e, o le Alii Pule Silisili Ese,Ia e gaoioi mo aʻu ona o lou suafa.+
Ia e laveaʻi mai iā te aʻu, auā e lelei lou alofa faamaoni.+
22 Auā ua leai so‘u fesoasoani ma ua ou mativa,+Ua tuia foʻi loʻu loto i totonu iā te aʻu.+
23 O le a ou mou atu e pei o se ata lafoia;Ua lūlūeseina foʻi aʻu e pei o se sē akerise.
24 Ua tetete oʻu tuli mai i le anapogi;Ua paee loʻu tino, ua fai ifo lo‘u malosi.*
25 Ua avea aʻu ma mea e latou te taufaifai ai.+
Pe a latou vāai mai iā te aʻu, ona lūlū lea o o latou ulu.+
26 Ieova e loʻu Atua, ia e fesoasoani mai iā te aʻu;Ia faaola iā te aʻu i lou alofa faamaoni.
27 Tau ina ia latou iloa o lou aao lenei;O oe Ieova e, na e faia lenei mea.
28 Ia tuu i latou e faamalaia mai, ae ia e faamanuia mai.
Pe a latou tulaʻi e faasaga iā te a‘u, ia faamāsiasi i latou,Ae ia olioli lau auauna.
29 Ia oofu i le māsiasi i latou e tetee mai iā te aʻu;Tau ina ia fusia i latou i lo latou māsiasi e pei o se ofu talaloa.+
30 E matuā vivii atu loʻu gutu iā Ieova;Ou te vivii atu iā te ia i luma o tagata e toʻatele.+
31 Auā e tū o ia i le itu taumatau o le tagata mativa,Ina ia faaolaina o ia mai i ē e ta‘usalaina o ia.
Faamatalaga Pito i Lalo
^ Po o “sē e molia o ia.”
^ Po o le “ia taʻua o ia o sē e amioleaga.”
^ Epe., “ona atalii.”
^ Epe., “ona atalii.”
^ Po o le “Tau ina ia faia e lē ua ia nofo aitalafu ai ni mailei mo.”
^ Po o le “alofa faamaoni.”
^ Po o le “alofa faamaoni.”
^ Epe., “Ua ou tino vale lava, ua aunoa ma se gaʻo (suāuu).”
