Salamo 130:1-8

  • “Ou te valaau atu iā te oe mai i mea loloto”

    • “Ana faapea e te mātaulia mea sesē” (3)

    • E faamagaloina lava e Ieova agasala (4)

    • “Ou te faatalitali ma le naunauta‘i iā Ieova” (6)

O le Pese a Ē Ō Aʻe i le Aai. 130  Ieova e, ou te valaau atu iā te oe mai i mea loloto.+  2  Ieova e, ia e faafofoga mai i loʻu leo. Tau ina ia e faafofoga mai i aʻu ʻaiʻoiga mo se fesoasoani.  3  Ioa e,* ana faapea e te mātaulia* mea sesē,Ieova e, o ai la sē e mafai ona tū atu i ou luma?+  4  Auā o oe e te faamagaloina lava agasala,+Ina ia matataʻu ai tagata iā te oe.+  5  Ou te faamoemoe iā Ieova, ou te faamoemoe ma lo‘u lotoatoa iā te ia;Ou te faatalitali i lana afioga.  6  Ou te faatalitali ma le naunauta‘i iā Ieova,+E sili atu nai lo o tagata vāai o loo faatalitali mo le malama o le taeao,+Ioe, e sili atu nai lo o tagata vāai o loo faatalitali mo le malama o le taeao.  7  Ia faatalitali atu pea Isaraelu iā Ieova,Auā e faamaoni le alofa o Ieova,+E tele foʻi lona malosi e togiola ai lona nuu.  8  E togiola foʻi e ia Isaraelu mai i a latou mea sesē uma.

Faamatalaga Pito i Lalo

^ O “Ioa” o le faapuupuuga o le suafa o Ieova.
^ Po o le “faitaulia.”
O LE TUSI PAIA–O LE FAALILIUGA A LE LALOLAGI FOU (TOE TEUTEUINA I LE 2013)
Salamo 130
Faa-Samoa
Faitau le Tusi Paia i le Initaneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt itu. 40