Salamo 139:1-24
I le faatonu o le ʻaufaimusika. O le pese a Tavita.
139 Ieova e, ua e suʻesuʻe mai iā te aʻu, ma ua e silafia lava aʻu.+
2 Ua e silafia loʻu nofo i lalo ma loʻu tulaʻi.+
Ua e silafia mamao mai foʻi oʻu manatunatuga.+
3 Ua e mātauina* a‘u pe a ou malaga ma pe a ou taoto fo‘i;Ua e masani i oʻu ala uma.+
4 A o leʻi fai atu se upu i loʻu gutu,Faauta! Ieova e, ua e silafia lelei.+
5 Ua e siʻomia aʻu i tua ma luma;Ua e tuu mai foʻi lou aao i luga iā te aʻu.
6 Ua faigatā tele mo aʻu lea poto.
Auā ua matuā maoa‘e lava, ua ou lē malamalama i ai.+
7 O fea e mafai ona ou sola ese i ai mai i lou agaga,Ma o fea e mafai ona ou sola ese i ai mai i ou fofoga?+
8 Afai ou te alu aʻe i le lagi, e te iai lava i inā,Afai foʻi ou te fofola loʻu moega i le Tuugamau,* faauta! e te iai lava i inā.+
9 Afai ou te lele ese i apaʻau o le vaveaoIna ia ou nofo ai i motu e sili ona mamao,*
10 E oo lava i inā, e ta‘ita‘iina ai a‘u e lou aao,Ma e taofia aʻu e lou aao taumatau.+
11 Afai ou te fai atu: “E ufitia lava aʻu e le pōuliuli!”
Ona avea lea o le pō lea e si‘osi‘omia ai a‘u ma malamalama.
12 E oo foʻi i le pōuliuli e lē pogisa tele mo oe,Ae e susulu le pō e pei o le ao;+E tutusa le pōuliuli ma le malamalama iā te oe.+
13 Auā na e faia oʻu fatugaʻo;Na e ufiufi foʻi iā te aʻu* i le manava o loʻu tinā.+
14 Ou te vivii atu iā te oe, auā ua e faia aʻu i se auala mataʻina ma ofoofogia.+
E ofoofogia au galuega,+Ua ou iloa lelei lava lenei mea.
15 E leʻi natia oʻu ponaivi mai iā te oeIna ua faia aʻu i le mea lilo,Ina ua saunia foʻi aʻu i mea loloto o le lalolagi.+
16 Na silasila mai lava ou fofoga a o afuafua aʻu;Na tusia foʻi i lau tusi ona vaega umaE faatatau i aso na faia ai,A o le‘i iai ni vaega o loʻu tino.
17 O lea, maʻeu le tāua o ou manatu iā te aʻu!+
Le Atua e, ua matuā tele lava lo latou faitau aofaʻi!+
18 Afai ou te taumafai e faitauina, ua sili atu ona tele nai lo o le oneone.+
Pe a ou ala aʻe, ou te faatasi pea ma oe.*+
19 Le Atua e, ma‘imau pe ana e fasiotia lē e amioleaga!+
Ona ō ese ai lea mai iā te aʻu o tagata sauā,*
20 O ē ua faia upu e uiga iā te oe ma se faanaunauga leaga;*O ou fili i latou o ē ua faaaogā sesē lou suafa.+
21 Ieova e, po ou te lē ita ea iā i latou e feita iā te oe,+Ma ʻinoʻino iā i latou e fouvale iā te oe?+
22 Ua ou matuā ʻinoʻino lava iā i latou;+Ua avea moni i latou ma oʻu fili.
23 Le Atua e, ia e saʻili mai iā te aʻu, ma silafia ai loʻu loto.+
Ia e suʻesuʻe mai iā te aʻu, ma silafia ai oʻu popolega.*+
24 Ia e silasila mai po o iā te aʻu se ala e tigā ai,+Ma taʻitaʻi aʻu+ i le ala e tumau e faavavau.
Faamatalaga Pito i Lalo
^ Epe., “fuatia.”
^ Po o “Seoli.” Tagaʻi i le Uiga o Upu.
^ Epe., “i sami e sili ona mamao.”
^ Pe atonu “Na e faia aʻu.”
^ Pe atonu “o loo oʻu faitauina pea.”
^ Po o le “ua nofosala i le toto.”
^ Po o le “e tusa ai o o latou manatu.”
^ Po o “mafaufauga e atuatuvale ai.”
