Jeremiya 4:1-31
4 “Kana ukadzoka, haiwa iwe Israeri,” ndizvo zvinotaurwa naJehovha,“Kana ukadzoka kwandiriUye kana ukabvisa zvidhori zvako zvinosemesa pamberi pangu,Hauzovi munhu ari kutiza.+
2 Uye kana ukapika uchiti,‘NaJehovha mupenyu!’ uchizviita muchokwadi, maererano nemutemo, uye mukururama,Marudzi achawana* chikomborero kwaari,Uye achazvirumbidza maari.”+
3 Nekuti zvanzi naJehovha kuvarume veJudha uye kuJerusarema:
“Rimai nyika inorimika,Uye musaramba muchidyara pakati peminzwa.+
4 Zvichecheudzei nekuda kwaJehovha,Uye bvisai zvikanda zvepamberi zvemwoyo yenyu,+Imi varume veJudha nevagari vemuJerusarema,Kuti kutsamwa kwangu kurege kunganduma semoto,Kwobvira pasina anodzima,Nemhaka yemabasa enyu akaipa.”+
5 Zvitaurei muJudha, uye zvizivisei muJerusarema.
Shevedzerai uye ridzai hwamanda munyika yese.+
Shevedzerai kwazvo muti: “Unganai,Ngatitizirei mumaguta akakomberedzwa nemasvingo.+
6 Simudzirai chiratidzo* kuZiyoni.
Tsvagai pekuhwanda uye musamira,”
Nekuti ndiri kuunza dambudziko richibva kuchamhembe,+ iko kuputsa kukuru.
7 Iye abuda mubvokocho resango seshumba;+Muparadzi wemarudzi asimuka achienda.+
Abuda munzvimbo yake kuti aite kuti nyika yako ive chinhu chinotyisa.
Maguta ako achaitwa matongo, achasara asina anogaramo.+
8 Saka pfekai masaga,+Chemai* uye ridzai mhere,Nekuti kutsamwa kukuru kwaJehovha hakuna kubva patiri.
9 “Zuva iroro,” ndizvo zvinotaurwa naJehovha, “mwoyo wamambo uchabatwa nekutya,*+Nemwoyo yemachindawo;Vapristi vachatya chaizvo, uye vaprofita vachashamiswa.”+
10 Ndakabva ndati: “Maiwee Changamire Ishe Jehovha! Chokwadi makanyengera chaizvo vanhu ava+ pamwe chete neJerusarema muchiti, ‘Muchava nerugare,’+ ipo pahuro dzedu paine bakatwa.”*
11 Panguva iyoyo zvichanzi kuvanhu ava uye kuJerusarema:
“Pachava nemhepo inopisa inobva kuzvikomo zvisina chinhu zvemugwengaIchavhuvhuta pamwanasikana* wevanhu vangu;Haisi kuuya kuzourutsa kana kuzochenesa.
12 Mhepo ine simba chaizvo iri kubva kunzvimbo idzi nekurayira kwangu.
Zvino ndichazivisa mitongo yangu pavari.
13 Inzwai! Iye achauya semakore emvura,Uye ngoro dzake dzakaita sedutu.+
Mabhiza ake anomhanya kupfuura makondo.+
Tine nhamo, nekuti tasara tisisina chinhu!
14 Geza mwoyo wako uchene pane zvakaipa, haiwa iwe Jerusarema, kuti uponeswe.+
Ucharamba uchingofunga zvakaipa kusvikira riini?
15 Nekuti inzwi rinozivisa shoko kubva kuDhani,+Uye rinozivisa dambudziko kubva kumakomo ekwaEfremu.
16 Zvitaurei, chokwadi zvitaurei kumarudzi;Zivisai zviri kuuya kuJerusarema.”
“Mauto anorinda* ari kuuya achibva kunyika iri kure,Uye achashevedzera kumaguta eJudha.
17 Ivo vanouya kuzorirwisa vachibva kumativi ese sevarindi vemunda usina kusoserwa,+Nekuti rakandipandukira,”+ ndizvo zvinotaurwa naJehovha.
18 “Nzira dzako nemabasa ako zvichaunzwa pauri.+
Dambudziko rako rinorwadza zvisingaiti,Nekuti rinonyatsosvika pamwoyo pako chaipo!”
19 Maiwee nhamo yangu* kani, nhamo yangu kani!
Ndiri kurwadziwa kwazvo mumwoyo mangu.*
Hana yangu iri kurova.
Handigoni kuramba ndakanyarara,Nekuti ndanzwa* kurira kwehwamanda,Icho chiratidzo chekunyevera nezvehondo.*+
20 Paziviswa nezvedambudziko pamusoro pedambudziko,Nekuti nyika yese yaparadzwa.
Matende angu angoerekana aparadzwa,Munguva pfupi machira etende rangu aparadzwa.+
21 Ndicharamba ndichiona chiratidzo chacho* kusvikira riini,Ndichinzwa kurira kwehwamanda kusvika riini?+
22 “Nekuti vanhu vangu mapenzi;+Havana basa neni.
Ivo vanakomana vasina pfungwa, vasinganzwisisi.
Vanongwara* chaizvo pakuita zvakaipa,Asi havazivi kuita zvakanaka.”
23 Ndakaona nyika, uye yakanga isina chinhu, iri dongo.+
Ndakatarisa denga, uye chiedza charo chakanga chisisipo.+
24 Ndakaona makomo, uye akanga achidengenyeka,Uye zvikomo zvaidedera.+
25 Ndakatarisa ndikaona kuti pakanga pasina munhu,Uye shiri dzese dzedenga dzakanga dzatiza.+
26 Ndakatarisa ndikaona kuti munda wemichero wakanga wava renje,Uye maguta awo ese akanga aputswa.+
Izvi zvakaitwa naJehovha,Zvakaunzwa nekutsamwa kwake kukuru.
27 Nekuti zvanzi naJehovha: “Nyika yacho yese ichava dongo,+Asi handizoiparadzi zvekuipedzeredza.
28 Nekuda kweizvi nyika yacho ichachema,+Uye denga riri kumusoro richasviba.+
Ndakataura, uye ndakasarudza kuzviita,Saka handizochinji pfungwa* kana kudzokera kumashure.+
29 Guta rese rinotizaParinonzwa ruzha rwevatasvi vemabhiza nevanopfura neuta.+
Vanopinda mumabvokocho esango,Uye vanokwira pamatombo.+
Maguta ese asiyiwa,Uye hapana munhu ari kugara maari.”
30 Iye zvino uchaita sei zvawasakadzwa?
Waipfeka zvipfeko zvitsvuku,Uchizvishongedza nezvishongo zvegoridhe,Nekukudza maziso ako nezvizoro zvitema.
Asi wakazvitsvindisa pasina,+Nekuti vaya vaikuchiva vakuramba;Iye zvino vava kutsvaga kukuuraya.*+
31 Nekuti ndanzwa inzwi rakaita seremukadzi ari kurwara,Kutambudzika kwakaita sekwemukadzi ari kusununguka mwana wake wekutanga,Iro inzwi remwanasikana weZiyoni anoramba achifemereka.
Anotambanudza zvanza zvake achiti:+
“Ndine nhamo, nekuti ndaneta* nevaurayi!”
Mashoko Emuzasi
^ ChiHeb., “achazviwanira.”
^ Kana kuti “bango rechiratidzo.”
^ Kana kuti “Rovai zvipfuva zvenyu.”
^ Kana kuti “uchashaya ushingi.”
^ Kana kuti “iro bakatwa rasvika pamweya yedu.”
^ Uku kudetemba uchitaura chimwe chinhu seuri kureva munhu, zvichida pachiratidza kunzwira tsitsi kana kuti tsiye nyoro.
^ ChiHeb., “Varindi,” kureva vaya vanogara vakatarisa guta kuti vazive nguva yekurwisa.
^ ChiHeb., “ura hwangu.”
^ ChiHeb., “mumadziro emwoyo wangu.”
^ Kana kuti “mweya wangu wanzwa.”
^ Dzimwe shanduro dzinoti, “ruzha rwekushevedzera zvinotyisa pahondo.”
^ Kana kuti “bango rechiratidzo.”
^ Kana kuti “Vanochenjera.”
^ Kana kuti “handizozvidembi.”
^ Kana kuti “mweya wako.”
^ Kana kuti “mweya wangu waneta.”
