MUMAKORE ari pakati pa1501 na1600, bhizimisi rokutengesa zvekukaringa (spices) rakasimudzira upfumi hwenyika pasi rose sezviri kungoitwawo nokutengesa crude oil mazuva ano. Maspice akadai senutmeg uye cloves, ayo aibva kuzvitsuwa zvakakurumbira zvinonzi Spice Islands (zvava mapurovhinzi eMaluku neNorth Maluku ayo ari muIndonesia), aitengeswa nemari yakawanda chaizvo muEurope.

Vanhu vaiita zvokufamba vachitsvakurudza vakadai saChristopher Columbus, Vasco da Gama, Ferdinand Magellan, Samuel de Champlain, naHenry Hudson vose vakatsvaka kuti vangasvika sei kuSpice Islands. Kufamba kwaiita vanhu vachitsvaka maspice ekuIndonesia kwakaita kuti vatange kunyatsonzwisisa zvakaita nyika.