Ungaziva Sei Chokwadi?
“Zvinhu zviri muchadenga nepanyika zvinogona kungovapo zvega pasina azvigadzira.”—Mashoko aya akataurwa nenyanzvi dzesainzi Stephen Hawking naLeonard Mlodinow muna 2010.
“Mwari akasika denga nenyika.”—Mashoko aya ari muBhaibheri pana Genesisi 1:1.
Zvinhu zviri kudenga nepanyika zvakasikwa naMwari here kana kuti zvakangovapo zvega? Mhinduro inopiwa nenyanzvi idzi mbiri dzesainzi yakanyatsosiyana nezvinotaurwa neBhaibheri. Variko vanobvuma kuti zvinhu zvakangovapo zvega, kwozoitawo vamwe vanobvuma kuti Mwari ndiye akasika zvinhu. Asi vakawanda havanyatsozivi kuti chokwadi ndechipi. Nyaya iyi inogara ichitaurwa mumabhuku nemumapurogiramu epaTV.
Kuchikoro unogona kunge wakadzidziswa kuti zvinhu zvese zvakangoerekana zvavapo zvega, uye hakuna Musiki. Asi vadzidzisi vako vakakupa uchapupu hunotsigira zvavanodzidzisa here? Kune rimwewo divi, unogona kunge wakanzwa vafundisi vachidzidzisa kuti kune Musiki. Asi vakakupa here uchapupu hunotsigira zvavanodzidzisa? Kana kuti vakakuti unofanira kungobvuma kuti Mwari ariko nekuti ndizvo zvinoratidza kuti une kutenda?
Pamwe unombonetseka nezvenyaya iyi, uye unofunga kuti hapana anoziva chokwadi. Kuziva kuti Musiki ariko kana kuti haako kune zvakunobatsira here?
Magazini ino yeMukai! ichatanga nekutaura zvikonzero zvakaita kuti vanhu vakawanda vabvume kuti kune Musiki. Ichazopedzisa nekutaura kuti nei zvichikosha kuziva kuti upenyu hwakatanga sei panyika.
Zvimwe Zvaunogona Kufarira
DZIDZISO DZEBHAIBHERI DZINOKOSHA
Denga Nenyika Zvakasikwa Here?
Vanhu vakawanda havanzwisisi zvinotaurwa neBhaibheri nezvekusikwa uye vanoti hazvisi zvechokwadi. Zvarinotaura ndezvechokwadi here?
DZIMWE NYAYA
Upenyu Hwakatanga Sei?
Vanhu vakawanda vakadzidza uye nyanzvi dzesainzi havagutsikani netsanangudzo yekuti zvinhu zvakaita zvekushanduka-shanduka.
MIBVUNZO YEBHAIBHERI INOPINDURWA
Mwari Akaita Kuti Zvinhu Zvishanduke-shanduke Here Kuti Pave Nemarudzi Akasiyana-siyana Ezvinhu Zvipenyu?
Hapana chiri muBhaibheri chinopesana nezvakaonekwa nevesainzi kuti zvisikwa zverudzi rumwe chete zvinogona kusiyana-siyana.
VECHIDIKI VANOBVUNZA KUTI
Takasikwa naMwari Here Kana Kuti Takabva Kumhuka?—Chikamu 1: Sei Tichiti Mwari Ariko?
Unoda here kutsanangurira vamwe usingatyi kuti nei uchitenda kuti Mwari ariko? Verenga nyaya ino unzwe mazano aungashandisa.
KUTSANANGURWA KWEMAVHESI
Genesisi 1:1 Inotsanangurwa—“Pakutanga Mwari Akasika Denga Nenyika”
Zvinhu zvipi zviviri zvechokwadi zvinokosha zvinoratidzwa nemashoko aya ekutanga eBhaibheri?
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
