Jesu paaiva panyika airatidza kuti aida vanhu zvakadzama, kunyanya vaya vaiva varombo uye vaishungurudzika. (Mateu 9:36) Akasvika pakutofira vanhu kuitira kuti avabatsire. (Mateu 20:28; Johani 15:13) Munguva pfupi iri kutevera, acharatidza zvekare kuda kwaanoita vanhu nekushandisa kwaachaita simba rake saMambo weUmambo hwaMwari kuti apedze urombo huri panyika.

 Bhaibheri rinoshandisa mashoko anobaya mwoyo pakutsanangura zvichaitwa naJesu:

•   “Iye ngaadzivirire vakaderera vari pakati pevanhu, ngaaponese vanakomana vemurombo.”—Pisarema 72:4.

 Zvii zvaungaita kuti uratidze kuti unotenda zvatakaitirwa naJesu uye zvaachazotiitira mune ramangwana? Pana Ruka 22:19, Jesu akaudza vateveri vake kuti vayeuke kufa kwake. Ndosaka Zvapupu zvaJehovha zvichiungana gore negore zvichiyeuka zuva rekufa kwake. Tinokukoka kuti uzobatanawo nesu pakuyeuka kufa kwaJesu musi weSvondo 24 March, 2024.

Ona Kuchaitirwa Chirangaridzo