29 MARCH 2022
INDIA
Bhaibheri—Evhangeri yaMateu Yakabudiswa muchiKonkani (Roman)
Musi wa27 March 2022, Bhaibheri—Evhangeri yaMateu yakabudiswa mumutauro weKonkani nemanyorero emazuva ano. Purogiramu yacho yakarekodhwa yakateererwa nevanhu vanenge 600. Vanhu vakanga vava kutokwanisa kudhaunirodha bhuku iri raMateu. Mabhuku akaprindwa achazowanika gore rino.
Konkani mumwe wemitauro 23 inoshandiswa muIndia. Unonyanya kutaurwa nechekumadokero kweIndia. Zvapupu zvaJehovha zvakatanga kuparidzira vanhu vanotaura mutauro weKonkani muna 1957 pakaendeswa mapiyona chaiwo kunzvimbo iyoyo. Ungano yekutanga yemutauro weKonkani yakaumbwa muna 1959.
Paingova nemaBhaibheri mashoma aiva muchiKonkani kutozosvikira muna 1974. Mugore iroro, shanduro yechiKonkani yeMagwaro echiKristu echiGiriki yakatanga kuwanika. Muna 2006, shanduro yechiKonkani yeMagwaro echiHebheru yakabudiswawo. Asi shanduro idzi dzine mashoko asinganzwisiswi nevakawanda vanotaura chiKonkani.
Vaparidzi vanotaura chiKonkani vari kubatsirwa nematurusi ekudzidzisa akabudiswa neZvapupu zvaJehovha mumutauro weKonkani. Asi vaparidzi vakanga vasina shanduro yeBhaibheri yakarurama yavaigona kuvimba nayo. Semuenzaniso mumwe mushanduri akati: “MaBhaibheri ataimboshandisa aishandura Mateu 6:33 achiti: ‘Kufamba maererano nemitemo yeUmambo hwaMwari uye kuita zvinomufadza ndiko kuzvidya mwoyo kukuru kwatinofanira kuva nako.’ Iye zvino nekubudiswa kwakaitwa bhuku raMateu, vhesi yacho yava nyore kunzwisisa.”
Mumwe mushanduri akati: “Kunyange zvazvo paine vaparidzi vashoma vanotaura mutauro uyu, kubudiswa kwakaitwa bhuku iri reShanduro Yenyika Itsva mumutauro wedu, kunoratidza kuti Jehovha ane hanya nevanhu vese.”
Tine chokwadi chekuti shanduro iyi itsva ichabatsira hama dzedu dzinotaura chiKonkani kuti dzibatsire vanhu kuswedera pedyo naJehovha.—Johani 6:44.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha Zvine Bhaibheri Razvo Here?
Kushandisa shanduro dzakasiyana-siyana dzeBhaibheri kunokubatsira chaizvo pakuridzidza. Zvinhu zvitatu zvakanakira kuti ushandise Shanduro yeNyika Itsva yeMagwaro Matsvene pakudzidza kwako.
MASHANDISIRWO ARI KUITWA MARI YENYU YEZVIPO
Kubudiswa Kwebhuku Rinonyanya Kukosha Kupfuura Mamwe Ese
Pane zvakawanda zvinoitwa pakushandura, kuprinda, uye kubatanidza mapeji eShanduro Yenyika Itsva.
MIBVUNZO INONYANYA KUBVUNZWA
Zvapupu zvaJehovha Zvinoshandisa Testamende Yekare Here?
Pane zvimwe zvikamu zveBhaibheri zvisingachashandi here? Ona kuti vaKristu vangabatsirwa sei pavanoverenga nyaya dzinokosha dzakaitika kare uye mazano anobatsira avanowana muMagwaro echiHebheru.