Musi wa5 December 2023, dare reSurgut City Court of the Khanty-Mansi Autonomous Area rava pedyo nekupa mutongo waro panyaya ine chekuita nehama 17 nehanzvadzi imwe chete. Hama idzi dzinosanganisira Vyacheslav Boronos, Saveliy Gargalyk, Yevgeniy Kayryak, Artem Kim, Sergey Loginov, Aleksey Plekhov, naSergey Volosnikov. Hama dzacho 17 dzakapiwa mitongo yekugara mujeri inotangira pamakore 6 nemwedzi mitatu kusvika pamakore 7, asi mitongo yacho yakambosendekwa padivi. Hanzvadzi yacho yakapiwa mutongo wekugara mujeri kwemakore matatu nemwedzi mitatu, asi mutongo wacho wakambosendekwa padivi. Havasati vava kufanira kuenda kujeri pari zvino.

1. 15 February 2019

   Mapurisa akasecha dzimba dzakawanda dzeZvapupu zvaJehovha muguta reSurgut nemamwe maguta ari pedyo. Izvi zvakaita kuti hama nhatu dzinosanganisira Sergey Loginov dzivharirwe dzichimirira kuti nyaya yacho iende kudare. Hama imwe chete yakarayirwa kuti iende kuchipatara chevanhu vanorwara nepfungwa. Hama 7 dziri kutaurwa munyaya ino dzakabatwa zvisina kunaka nekuti dzakaramba kubudisa mashoko ane chekuti nevamwe vavanonamata navo

2. 26 February 2019

   Dare reEuropean Court of Human Rights rakarayira kuti hurumende yeRussia ibudise hama Sergey Loginov mujeri kuti vakwanise kuenda kunorapwa

3. 11 April 2019

   Hama Sergey Loginov vakabudiswa mujeri mavanga vakavharirwa vachimirira kuti nyaya yavo ipinde mudare

4. 29 October 2021

   Nyaya inotanga kutongwa mudare

Hama nehanzvadzi dzedu dzine ushingi padziri kutambudzwa, tine chokwadi chekuti Jehovha anonzwa minyengetero yavo uye achakurumidza kuvapindura pavanenge vachitambudzika.—Pisarema 69:17.