Libri i parë i Kronikave 16:1-43
16 Kështu e sollën Arkën e Perëndisë së vërtetë dhe e vunë brenda tendës që Davidi kishte ngritur për të.+ Pastaj paraqitën flijime të djegura dhe flijime në bashkësi përpara Perëndisë së vërtetë.+
2 Kur mbaroi paraqitjen e flijimeve të djegura+ dhe të flijimeve në bashkësi,+ Davidi e bekoi popullin në emër të Jehovait.
3 Përveç kësaj, ai u shpërndau gjithë izraelitëve, çdo burri dhe çdo gruaje, një bukë të rrumbullakët, një kulaç hurmash Arabie dhe një kulaç stafidhesh.
4 Pastaj caktoi disa levitë që të shërbenin para Arkës së Jehovait,+ për të nderuar,* për të falënderuar dhe për të lëvduar Jehovain, Perëndinë e Izraelit.
5 Asafi+ ishte kreu dhe Zakaria vinte i dyti pas tij; Jejeli, Shemiramoti, Jehieli, Matitiahu, Eliabi, Benajahu, Obed-Edomi dhe Jejeli+ u binin instrumenteve me tela dhe harpave;+ Asafi u binte cimbaleve+
6 dhe priftërinjtë Benajah e Jahaziel u binin rregullisht trumbetave përpara arkës së besëlidhjes së Perëndisë së vërtetë.
7 Pikërisht atë ditë, Davidi kompozoi për herë të parë këtë këngë falënderimi për Jehovain dhe udhëzoi Asafin+ e vëllezërit e tij që ta këndonin:
8 «Falënderoni Jehovain!+ Lutuni në emër të tij!Veprat e tij tregojuani popujve!+
9 Këndojini atij e thurini lavde!*+
Mendoni thellë* për tërë veprat e tij të mrekullueshme!+
10 Mburruni me emrin e tij të shenjtë!+
Iu gëzoftë zemra atyre që kërkojnë Jehovain!+
11 Kërkoni Jehovain+ dhe forcën e tij!
Kërkoni pëlqimin* e tij pareshtur!+
12 Kujtoni veprat e mrekullueshme që ka kryer!+
Kujtoni mrekullitë dhe vendimet gjyqësore që ka shpallur,
13 të gjithë ju pasardhës* të Izraelit, shërbëtorit të tij,+ju bij të Jakobit, të zgjedhurit e tij!+
14 Ai është Jehovai, Perëndia ynë.+
Ai jep vendime gjyqësore për gjithë tokën.+
15 E kujton përgjithmonë besëlidhjen e tij,premtimin që bëri,* për një mijë breza,+
16 po, besëlidhjen që lidhi me Abrahamin,+dhe betimin që i bëri Isakut,+
17 të cilin ia konfirmoi Jakobit me anë të një dekreti,+si një besëlidhje të pandryshueshme për Izraelin,
18 duke thënë: ‘Ty do të ta jap Kananin,+që të jetë trashëgimia jote.’+
19 Këtë e tha kur ishit të paktë,po, fare pak dhe të huaj në vend.+
20 Ata u endën nga njëri komb në tjetrin,nga një mbretëri në një popull tjetër.+
21 Ai nuk lejoi asnjë që t’i shtypte,+përkundrazi qortoi mbretër për hir të tyre,+
22 dhe tha: ‘Mos i prekni të mirosurit* e mi,e mos u bëni asnjë të keqe profetëve të mi.’+
23 Këndojini Jehovait, të gjithë ju banorë të tokës!
Ditë për ditë shpallni shpëtimin që sjell ai!+
24 Bëjini jehonë lavdisë së tij mes kombeve,gjithë veprave të tij të mrekullueshme mes popujve!
25 Se i madhërishëm është Jehovai dhe tejet i denjë të lëvdohet.
Ai të ngjall nderim të thellë më shumë se tërë perënditë.+
26 Tërë perënditë e popujve janë të kota,+por Jehovai është ai që ka bërë qiejt.+
27 Madhështia* dhe shkëlqimi e rrethojnë,+fuqia dhe gëzimi stolisin vendin e tij.+
28 Jepini Jehovait nderimin që i takon, o fise të tërë popujve!
Jepini Jehovait nderimin që i takon për lavdinë dhe forcën që ka!+
29 Jepini Jehovait lavdinë që meriton emri i tij!+
Sillini një dhuratë dhe ejani para tij!+
Përkuluni para* Jehovait me veshje të shenjta stolisur!*+
30 Ejani me dridhma para tij, të gjithë ju banorë të tokës!
Toka është ngritur mbi themele të forta e nuk luan vendit.*+
31 Qiejt le të gëzojnë dhe toka të ketë hare,+shpallni ndër kombe: ‘Jehovai është bërë Mbret!’+
32 Le të gjëmojë deti dhe çdo gjë që ai mban!
Le të ngazëllojnë fushat dhe çdo gjë që është në to!
33 Le të lëshojnë njëzëri britma gëzimi drurët e pyllit para Jehovait,sepse ai po vjen* të gjykojë tokën.
34 Falënderoni Jehovain, se ai është i mirë;+dashuria e tij besnike zgjat përjetë.+
35 Thoni: ‘Na shpëto, o Perëndi i shpëtimit tonë!+Na mblidh e na shpëto nga kombet,që t’i thurim lavde emrit tënd të shenjtë+e plot hare të të lëvdojmë.+
36 Lëvduar qoftë Jehovai, Perëndia i Izraelit, për gjithë përjetësinë!’»*
Dhe mbarë populli tha «Amin!»* dhe lëvdoi Jehovain.
37 Pastaj Davidi la Asafin+ dhe vëllezërit e tij përpara arkës së besëlidhjes së Jehovait, për të shërbyer vazhdimisht para Arkës,+ sipas asaj që kërkohej çdo ditë.+
38 Obed-Edomi me vëllezërit e tij, gjithsej 68 veta, dhe Obed-Edomi, biri i Jeduthunit, dhe Hosahu ishin derëtarë;
39 prifti Sadok+ dhe priftërinjtë e tjerë ishin para tabernakullit të Jehovait, në vendin e lartë* në Gibeon,+
40 për t’i bërë rregullisht Jehovait flijime të djegura në altarin e flijimeve të djegura, në mëngjes e në mbrëmje, dhe për të zbatuar gjithë sa është shkruar në Ligjin e Jehovait që i dha si urdhër Izraelit.+
41 Bashkë me këta ishte edhe Hemani, Jeduthuni+ dhe pjesa tjetër e burrave që ishin zgjedhur për të falënderuar Jehovain,+ sepse «dashuria e tij besnike zgjat përjetë»;+
42 Hemani+ e Jeduthuni u binin trumbetave, cimbaleve dhe instrumenteve për të lëvduar Perëndinë e vërtetë;* kurse bijtë e Jeduthunit+ ishin përgjegjës për portën.
43 Pastaj, gjithë populli iku, secili në shtëpinë e vet, kurse Davidi shkoi të bekonte njerëzit e shtëpisë së tij.
Shënimet
^ Fjalë për fjalë «për të kujtuar».
^ Ose «luajini melodi».
^ Një mundësi tjetër «flisni».
^ Ose «praninë». Fjalë për fjalë «fytyrën».
^ Fjalë për fjalë «farë».
^ Fjalë për fjalë «fjalën që urdhëroi».
^ Shih Fjalorthin.
^ Ose «Lavdia».
^ Një mundësi tjetër «nga shkëlqimi i shenjtërisë së tij».
^ Ose «Adhuroni».
^ Ose «nuk mund ta lëkundin».
^ Ose «ka ardhur».
^ Ose «jetë e mot!»
^ Ose «Ashtu qoftë!»
^ Shih Fjalorthin.
^ Ose «instrumenteve për këngën e Perëndisë së vërtetë».
