Ditën e tretë pas vdekjes, Jezui u ringjall. Atë ditë, iu shfaq dishepujve të tij pesë herë. Jezui vazhdoi t’u shfaqej atyre për 40 ditë. Pastaj, ndërsa disa dishepuj të tij po vështronin, Jezui u ngrit në qiell. Dhjetë ditë më vonë, Perëndia derdhi frymën e shenjtë mbi dishepujt e Jezuit që po prisnin në Jerusalem.

Më vonë, armiqtë e Perëndisë i futën në burg apostujt, por një engjëll i çliroi. Dishepullin Stefan e vranë me gurë kundërshtarët. Por mësojmë se si Jezui zgjodhi një nga këta kundërshtarë për të qenë shërbëtor i tij i veçantë, dhe ai u bë apostulli Pavël. Tre vjet e gjysmë pas vdekjes së Jezuit, Perëndia dërgoi apostullin Pjetër për t’i predikuar Kornelit, që nuk ishte jude, si dhe familjes së tij.

Rreth 13 vjet më vonë, Pavli filloi udhëtimin e tij të parë të predikimit. Në udhëtimin e dytë, me Pavlin u bashkua edhe Timoteu. Mësojmë se sa kohë të bukur kaluan Pavli dhe bashkudhëtarët e tij në shërbim të Perëndisë. Në fund, Pavlin e burgosën në Romë. Dy vjet më vonë e lanë të lirë, por pastaj e burgosën përsëri dhe e vranë. Ngjarjet e PJESËS VII ndodhën në një periudhë prej 32 vjetësh.