Kur në martesë ka bashkëpunim, burri dhe gruaja janë si piloti dhe ndihmëspiloti i të njëjtit avion. Edhe kur lindin vështirësi, secili mendon në shumës «ne», jo «unë».

PARIMI BIBLIK: «Nuk janë më dy, por një mish i vetëm.»​—Mateu 19:6.

«Në martesë nuk mund të jesh solist. Si burri, edhe gruaja duhet të bashkëpunojnë që ta bëjnë martesën të suksesshme.»​—Kristoferi.

Kur lind një konflikt, bashkëshortët që nuk janë një skuadër, priren të gjejnë fajtorin e jo të zgjidhin problemin. Vogëlsirat kthehen në pengesa madhore.

«Bashkëpunimi është thelbi i martesës. Nëse unë dhe burri nuk do të ishim skuadër, do të ishim si shokë dhome në vend se shokë jete—​dy persona që jetojnë së bashku, por që, kur bëhet fjalë për vendime me peshë, secili është në hesap të vet.»​—Aleksandra.

ANALIZO VETEN

• A mendoj se paratë që fitoj, janë «të miat»?

• A kam nevojë të jem larg bashkëshortit që të çlodhem plotësisht?

• A i shmang të afërmit e bashkëshortit, ndonëse është shumë i lidhur me ta?

FOL ME BASHKËSHORTIN

• Në ç’aspekt(e) të martesës bashkëpunojmë si skuadër?

• Në ç’aspekt(e) mund të përmirësojmë?

• Çfarë hapash mund të marrim që të bashkëpunojmë më mirë?

SUGJERIME

• Imagjino sikur në një lojë tenisi ke si kundërshtar bashkëshortin. Si mendon, ç’gjëra praktike mund të bësh që të jeni në të njëjtën skuadër?

• Në vend që të mendosh «si të fitoj», mendo «si të fitojmë».

«Mos u përpiq të gjesh kush ka të drejtë. Kjo nuk vlen sa paqja dhe uniteti në martesë.»​—Etani.

PARIMI BIBLIK: ‘Shihni me interes jo vetëm çështjet tuaja, por edhe ato të të tjerëve.’​—Filipianëve 2:3, 4.