Hyrja e godinës së re të zyrave po përgatitet që të shtrohet dhe të zbukurohet ambienti përreth. Trotuari në të majtë, poshtë, po bëhet me sistem ngrohjeje, që këmbësorët të mos rrëshqasin gjatë dimrit. Në këtë godinë gjenden Zyra e Bethelit, Zyra e Komitetit të Degës dhe Reparti i Shërbimit.

Një pjesëtar i Repartit të Ambienteve të Brendshme përdor një makineri lëmuese para se të përfundohet dyshemeja. Kjo makineri është e lidhur me një pajisje vakumi që thith pluhurin deri në njëfarë mase.

Holli i rrumbullakët i rimodeluar mirëpret vizitorët dhe më tepër se 200 bethelitë që jetojnë në Godinën e banimit E. Gjithashtu u vunë edhe dritare të reja që kursejnë energji dhe një sistem të ri alarmi kundër zjarrit.

Një teknik merret me instalimin e rrjetit të telekomunikacionit për godinën e re të Repartit për Stërvitjen Teknike. Këtu punëtorët pajisen me aftësitë e nevojshme në fushën hidraulike, të mirëmbajtjes elektrike dhe të sigurisë.

Një elektricist instalon sisteme ndriçimi LED në godinën e re të Repartit për Stërvitjen Teknike.

Një punëtor kontrollon hapësirën mes linjave elektrike. Kjo pjesë e godinës u rinovua për repartet e zyrës së degës që u transferuan nga Bruklini.

Një hidraulik përgatit tubacionet që shpërndajnë ujin e ngrohtë nëpër godinat e banimit.

Me anë të një vinçi, punëtorë të Repartit të Ambienteve të Jashtme izolojnë një dritare. Këto dritare që kursejnë energjinë, 298 prej të cilave ndodhen vetëm në këtë godinë, reduktojnë shpenzimet për energjinë në verë e në dimër.

Duke përdorur gurë nga muri fillestar i viteve 70, muratorët rindërtojnë një mur në parkingun qendror, që ndodhet mes Godinës së zyrave 1 dhe Godinës së banimit E.

Një punëtor i jep dorën e fundit murit para se të lyhet. Në këtë godinë të rinovuar ndodhen këto reparte: i Llogarisë, i Kompjuterëve dhe i Blerjeve.

Një elektricist tërheq kabllon mbi çati për ta lidhur me rrufepritësin. Rrufepritësi e shkarkon energjinë elektrike në tokë, duke e mbrojtur godinën nga dëmet.

Gjatë projektit të zgjerimit në Uollkill, u tregua kujdes i madh që të mos ndryshohej peizazhi, ku përfshihen edhe shumë nga pemët që duken në fotografi. Depozita e ujit në të majtë, e cila ka një kapacitet prej rreth 150.000 litrash, është një burim i rëndësishëm për furnizimin me ujë në raste zjarri dhe për sistemet e tjera kundër zjarrit në Uollkill.

Një marangoz vë disa nga 1.800 kubat e drurit të qershisë, që formojnë murin e pasmë të sallës. Këta kuba me trashësi të ndryshme pakësojnë jehonën.

Çarls Ridi shërben në Bethel që nga viti 1958. Vëlla Ridi ka ndihmuar në projektimin dhe në vendosjen e bazamenteve të betonit për makineritë e shtypshkronjës kur Betheli i Bruklinit shtypte literaturë për Shtetet e Bashkuara dhe për shumë vende të tjera. Gjatë projektit të zgjerimit në Uollkill, vëlla Ridi punoi në ekipin e kontrollit të cilësisë.

Punëtorët duke transportuar karriget e reja për auditorin. Salla e rinovuar ka 812 vende.

Rinovimi i sallës përfshiu montimin e ekraneve dhe të paneleve akustike në tavan.

Në infermierinë e rinovuar përgatitet vendi ku do të rrinë infermierët. Korridoret dhe banjat e godinës së banimit u zgjeruan, që të plotësonin nevojat e pacientëve.

Pamje nga lart e kompleksit në Uollkill, ku rrinë afro 2.000 pjesëtarë të familjes Bethel. Projekti i stërmadh i zgjerimit​—që përfshinte më tepër se 102.000 metra katrorë të godinave të reja ose të atyre që u rinovuan​—përfundoi më 30 nëntor 2015.