Parafabrikohen kapriata për godinën e banimit C duke përdorur ele çeliku.

Pamje nga zona jugore e kantierit drejt veriut ku ndodhet Liqeni i Pyllit Sterling (Liqeni i Kaltër). Këtu kanë punuar njëkohësisht deri në 13 vinça. Në plan të parë, po hidhet beton për themelet e godinës së banimit B.

Gati për të montuar traversat dhe kolonat prej çeliku. Strukturat prej çeliku të përdorura në godinën e zyrave dhe të shërbimeve bëjnë të mundur realizimin e hapësirave të mëdha dhe në mënyrë të përshpejtuar.

Punëtorët montojnë një çati të plotë për godinën e banimit C me kapriatat e parafabrikuara që i veshin me llamarinë dhe shtresë hidroizoluese. Nga prapa dhe majtas, po montojnë një pjesë çatie.

Kontraktues të jashtëm që montojnë traversat prej çeliku afër cepit jugperëndimor të godinës. Në këtë pjesë të godinës do të jetë kuzhina, dhoma e ngrënies, lavanderia dhe reparte të tjera ndihmëse.

Duke i dhënë një fshesë të vogël një punëtori që po monton tubat e shkarkimit të ujërave

Ky mur u ndërtua si model për të përcaktuar ngjyrën e llaçit dhe teknikën e vendosjes së tullave dhe të llaçit mes tyre. Ai u përdor edhe si demonstrim për muratorët e sapoardhur. Murin po e shembin sepse e ka përmbushur qëllimin.

Vendoset me vinç një pjesë çatie e parafabrikuar. Dy faqet ballore të çatisë së godinave të banimit u japin më tepër pamje kur i sheh nga larg.

Depozita prej 95.000 litrash me lëndë djegëse vihet në vend. Lënda djegëse e këtyre depozitave do të furnizojë kaldajat.

Pamje e faqes jugore të godinës, ku në cep djathtas duket Liqeni i Kaltër. Përdoren materiale me nuanca dhe përbërje të ndryshme për t’u dhënë godinave dorën e fundit nga jashtë, që të bëhen më tërheqëse.

Një skuadër hidraulikësh, burrë e grua, po montojnë tubat e shkarkimit që gjithçka të jetë gati për derdhjen e betonit të dyshemesë.

Po heqin borën nga tarraca.

Një skuadër tjetër hidraulikësh, burrë e grua, po shqyrtojnë planet e punimeve hidraulike.

Në një ditë me borë bëhen gërmime, ngrihen armatura dhe hidhet beton. Në cepin e sipërm majtas, disa pjesë të godinës së zyrave dhe të shërbimeve janë mbuluar me mushama të fortë. Kështu, gjatë gjithë dimrit mund të hidhet beton dhe të kryhen punime me materiale zjarrduruese, punë që duhen bërë në një temperaturë të caktuar.

Punëtorët po i veshin me një cipë kundër lagështirës kolonat dhe buzët e soletave, para se të vendosin panelet e jashtme të murit.

Pamje nga lart drejt perëndimit. Sipër janë godinat e banimit. Godina e madhe e bardhë afër qendrës së fotografisë është godina e zyrave dhe e shërbimeve. Ndërtimet zënë më pak se 20 për qind të të gjithë pronës së përgjithshme prej 100 hektarësh, duke e lënë të paprekur pyllin aty pranë.

Pamje nga lart drejt lindjes, ku nga pjesa e poshtme e fotografisë duken godinat e banimit C dhe D. Në godinën C, kontraktuesit po përfundojnë çatitë duke montuar panele metalike.

Një usta po shtron parket laminat në një dhomë-model. Për çdo dhomë banimi do të përdoret një nga katër opsionet e zgjedhura për punimet e brendshme. Këtu përfshihen ngjyrat e bojës, moketi, parketi, pllakat dhe banakët.

Po përfundohet me dorë shtrimi i dyshemesë me beton që të sigurohet pjerrësia e duhur për piletat e shkarkimit.

Një teknik 77 vjeç po vendos kabllo me fibra optike. Kur të ketë përfunduar projekti, do të jenë instaluar rreth 32 kilometra kabllo të këtij lloji.