25 PRILL 2023 | PËRDITËSUAR MË 23 TETOR 2023
RUSI

PËRDITËSIM—VËLLANË E SHPALLIN FAJTOR | «Gëzimi është motori që më shtyn përpara»

LUAJ

Më 23 tetor 2023, Gjykata Krahinore e Zavodskit në Kemerovo shpalli fajtor vëlla Vladimir Bajkalovin dhe e dënoi me 6 vjet vënie në provë. Për momentin, nuk i kërkohet të futet në burg.

Të dhëna

Vladimir Bajkalov

Lindur: 1963 (Krapivinski, Rajoni i Kemerovos)

Biografia: Para se të bëhej Dëshmitar i Jehovait ka qenë boksier profesionist. Më vonë punoi si trajner atletike dhe si menaxher në një stadium

Në vitin 1984 u martua me Irinën dhe kanë një djalë e një vajzë

Irina filloi të studionte Biblën në vitin 1995 dhe u pagëzua më 1996. Vladimiri vuri re se zbatimi i parimeve të Biblës ndikoi goxha për mirë të familja. Pas një dëmtimi që i dha fund karrierës së tij në atletikë, Vladimiri rivlerësoi përparësitë në jetë dhe filloi të studionte Biblën. Ai u pagëzua më 1999

Komente personale

Cila cilësi po të ndihmon të qëndrosh besnik?

Gëzimi është motori që më shtyn përpara dhe më ndihmon të mos e humbas motivimin. Ndaj po bëj gjithë sa kam në dorë që të ruaj gëzimin duke u angazhuar plotësisht në adhurimin e Jehovait. Dhe patjetër meditoj për të ardhmen e mrekullueshme që ka premtuar Ai. Falë këtyre gjërave, jam i gëzuar edhe gjatë seancave gjyqësore.

Cili varg nga Bibla të ka dhënë zemër?

Te Marku 13:11, Jezui shpjegoi si duhet të veprojmë nëse na nxjerrin para gjykatësve: «Mos jini në ankth që më përpara se ç’do të thoni; por thoni çdo gjë që do t’ju tregohet në atë çast, sepse nuk do të jeni ju që do të flitni, por do të flasë fryma e shenjtë.» Gjatë seancës së parë gjyqësore, gjykatësi më dha mundësi të flisja në mbrojtjen time. Situata ishte tejet e tensionuar. Por, me ndihmën e frymës së Jehovait arrita të ruaja qetësinë e të flisja plot dinjitet. Ndieva se Jehovai iu përgjigj lutjeve të mia duke më dhënë guxim e vendosmëri.

Jemi të bindur se Jehovai do të vazhdojë t’u japë forcë gjithë shërbëtorëve besnikë që t’i përballojnë sprovat me gëzim.—Jakovi 1:2, 3.

Tabelë kronologjike

2 shkurt 2022

Ngrihet një çështje penale
3 shkurt 2022

I kontrollojnë apartamentin
26 tetor 2022

Ngrenë akuza penale dhe i vendosin kufizime për udhëtimin
30 nëntor 2022

Nis procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME