22 MARS 2023 | PËRDITËSUAR MË 28 PRILL 2023
RUSI

PËRDITËSIM—VËLLANË TONË E SHPALLIN FAJTOR | «Jam i vendosur të bëj gjithçka që më kërkon Jehovai»

LUAJ

Më 28 prill 2023 Gjykata e Qytetit të Ashës në Rajonin e Çeljabinskut shpalli fajtor vëllanë Vadim Fjodorov dhe e dënoi me 6 vjet vënie në provë. Për momentin, atij nuk i kërkohet të futet në burg.

Të dhëna

Vadim Fjodorovi

Lindur: 1968 (Rudni, Kazakistan)

Biografia: Punon me transportin e mallrave

Më 1991 u martua me Ljubovën dhe kanë 5 fëmijë

E tërhoqi premtimi i Biblës për jetën e përhershme. Bashkë me të shoqen u pagëzuan si Dëshmitarë të Jehovait në vitin 1993

Komente personale

Si ke marrë zemër nga shembujt e të tjerëve që po përndiqen?

Kam pasur mundësi të flas me disa vëllezër e motra që kohët e fundit janë përndjekur për shkak të besimit. Sidomos biseda me vëlla Nikolaj Kuziçkinin më inkurajoi pa masë. Në burg, ai pati probleme serioze me shëndetin. Por, pavarësisht nga mosha dhe nga gjendja shëndetësore, më bëri mjaft përshtypje mënyra si fliste dhe aftësia e tij për të kujtuar pjesë të tëra nga Bibla. Dukej qartë se ai e do me gjithë shpirt Fjalën e Perëndisë dhe se gëzon miqësi të ngushtë me Jehovain. Shembulli i tij më rikujtoi se as mosha, as problemet shëndetësore dhe as ndonjë rrethanë tjetër s’na pengojnë dot të kemi një miqësi të fortë me Jehovain. Ndërsa dëgjoja Nikolajin, s’kisha pikë dyshimi se fuqia përtej normales vjen vetëm nga Jehovai.

Cilat cilësi po zhvillon falë këtyre rrethanave të vështira?

Jam natyrë impulsive dhe, me raste, i marr vendimet i drejtuar nga ndjenjat. Por, kjo situatë po më ndihmon të zhvilloj durimin, sidomos kur më duhet të pres Jehovain që t’i drejtojë gjërat në jetën time. Jam i vendosur të bëj gjithçka që më kërkon Jehovai.

Si Vadimi, s’kemi fare dyshim se Jehovai do t’i bekojë e do t’u japë forcë atyre që vazhdojnë të shpresojnë tek Ai dhe që ‘ndjekin udhën e tij’.—Psalmi 37:34.

Tabelë kronologjike

11 qershor 2021

Policia bastis shtëpitë e Vadimit dhe të djalit të tij, Andrejit
29 prill 2022

Kundër Vadimit ngrenë akuza penale
1 dhjetor 2022

Nis procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME