2 MAJ 2023 | PËRDITËSUAR MË 3 KORRIK 2023
RUSI

PËRDITËSIM—VËLLANË TONË E SHPALLIN FAJTOR | Merr zemër nga të tjerë që treguan besim

LUAJ

Më 30 qershor 2023, Gjykata Krahinore e Leninskit në Novosibirsk shpalli fajtor vëllanë Dmitri Dolzhikov dhe e dënoi me 3 vjet burg. Gjykatësi e ndryshoi dënimin në 3 vjet punë të detyruar. Për momentin, Dmitrit nuk i kërkohet të futet në burg. Megjithatë, ndërkohë që shlyen dënimin, qeveria do t’i konfiskojë 10 për qind të pagës. Gjithashtu nuk i lejohet të largohet nga qytetit.

Të dhëna

Dmitri Dolzhikovi

Lindur: 1978 (Kamishjevkë, Rajoni i Rostovit)

Biografia: Ka punuar në sektorin e prodhimit dhe të ndërtimit

I njohu Dëshmitarët e Jehovait kur e ëma nisi të studionte Biblën me ta. Mori pjesë në një kongres të Dëshmitarëve dhe u mahnit kur pa sa të dashur e të bashkuar ishin. U pagëzua në vitin 1997

U martua me Marinën më 2008

Komente personale

Si u përgatite që të përballoje përndjekjen?

Në vitin 2017, kur arrestuan vëlla Denis Kristensenin dhe më vonë e dënuan me burg, fillova të mendoja për mënyrat si mund ta forcoja besimin para se të më arrestonin. Nisa të lutesha në harmoni me fjalët e dokumentuara te Psalmi 26:2, ku Davidi i kërkoi Jehovait ta shqyrtonte dhe t’i rafinonte mendimet dhe zemrën. I kërkoja Jehovait të më ndihmonte të identifikoja pikat e mia të dobëta. Rilexova botime, si librin Lajmëtarët dhe Jezui: Udha, e vërteta dhe jeta. Mësova përmendsh edhe vargje nga Bibla, në të cilat Jehovai premton se do t’i ndihmojë shërbëtorët e tij kur të kalojnë sprova të rënda.

Cili tregim nga Bibla të ka ndihmuar të mos dorëzohesh?

Më ka inkurajuar shumë shembulli i Elijas. Kur po ia mbathte për shkak të mbretëreshës së ligë, Jezebelë, kishte nevojë për ndihmën e Jehovait. Dhe Jehovai jo vetëm i kujtoi sa Perëndi i fuqishëm ishte, por edhe i dha zemër dhe e siguroi se nuk ishte vetëm. Ndjenjat e frikës më fashiten komplet kur e di se Jehovai është krah meje dhe gati të më mbështetë.

Jemi të bindur se Jehovai do të vazhdojë ta forcojë Dmitrin dhe të gjithë ne, sepse Ai i kushton vëmendje besimit dhe qëndrueshmërisë sonë.—Zbulesa 2:19.

Tabelë kronologjike

13 maj 2022

Ngrihet një çështje penale
8 shtator 2022

I kontrollojnë apartamentin dhe e futin në burg të përkohshëm
9 shtator 2022

E marrin në pyetje dhe e transportojnë me aeroplan nga Çeljabinsku në një qendër paraburgimi në Novosibirsk, mbi 1.500 kilometra larg
11 nëntor 2022

Nis procesi penal
24 nëntor 2022

E lirojnë nga paraburgimi dhe e lënë në arrest shtëpie

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME