10 GUSHT 2022
RUSI

PËRDITËSIM—VËLLANË TONË E SHPALLIN FAJTOR | Mirënjohja i jep forcë Viktor Shajapovit që të përballojë sprovën me gëzim

LUAJ

Më 7 nëntor 2022, Gjykata Krahinore e Nikolskit në Rajonin e Penzës e shpalli fajtor vëlla Viktor Shajapovin dhe e dënoi me 2 vjet vënie në provë. Ai nuk duhet të shkojë në burg në këtë moment.

Tabelë kronologjike

19 gusht 2021

Ngrihet një çështje penale kundër Viktorit, të cilin e akuzojnë për pjesëmarrje në veprimtari ekstremiste
5 shkurt 2022

E ndalon policia. Po atë ditë i kontrollojnë dhe i bastisin shtëpinë. E arrestojnë dhe e çojnë në Penzë, 740 kilometra larg
6 shkurt 2022

E futin në një burg të përkohshëm
8 shkurt 2022

E lirojnë nga burgu dhe e lënë në arrest shtëpie
28 mars 2022

Nis procesi penal

Të dhëna

Viktor Shajapovi

Lindur: 1989 (Kamjenkë, Rajoni i Moskës)

Biografia: Ka punuar si mekanik makinash. Kreu shërbim alternativ civil në postë, në vend që të bënte ushtrinë

Në vitin 2010 u martua me Jekaterinën

Jekaterina po studionte Biblën me Dëshmitarët e Jehovait kur u njoh me Viktorin. Viktori mori përgjigje logjike për pyetjen pse vuajnë njerëzit dhe kjo e nxiti të studionte Biblën. U pagëzuan të dy më 2008

Komente personale

Çfarë të ka ndihmuar të mbash një qëndrim pozitiv në këto kohë stresuese?

Kam mësuar të shoh mirësinë e Jehovait edhe në gjëra të vogla, si në një vakt të shijshëm, te zogjtë që fluturojnë në qiell apo te një puhizë e lehtë. Kjo më nxit t’ia shpreh rregullisht mirënjohjen për mirësinë e tij. Në këtë mënyrë e mbaj mendjen te gjërat pozitive dhe nuk e harroj kurrë sa më do Jehovai.

Gjithashtu, shembulli dhe sugjerimet e një miku që kaloi diçka të ngjashme kohët e fundit, më ndihmuan të kem pikëpamjen e duhur. Ai më kujtoi sa e rëndësishme është të mos ndihemi si të pashpresë. Nëse frikësohemi, armiqtë do ta përdorin këtë për të na kontrolluar.

Gjithashtu kam nxjerrë dobi edhe nga Filipianëve 1:29: «Në fakt, juve ju është dhënë privilegji që jo vetëm të tregoni besim te Krishti, por edhe të vuani për të.» Këto fjalë më kanë ndihmuar të mos dorëzohem dhe të mos harroj privilegjin e pashoq që të jap dëshmi në këtë situatë.

Sa mirënjohës i jemi Jehovait që falë dashurisë së tij besnike na jep paqen që ruan mendjen dhe zemrën në kohë sprove!—Filipianëve 4:7.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME