8 KORRIK 2022 | PËRDITËSUAR MË 13 MAJ 2024
RUSI

PËRDITËSIM—VËLLEZËRIT TANË I BURGOSIN | Marrin forcë nëpërmjet lutjes

LUAJ

Më 13 maj 2024, Gjykata Krahinore e Pervomajskit në Izhevsk shpalli fajtorë vëllezërit Sergei Ashihmin, Maksim Derendjaev dhe Aleksandër Kutin dhe e dënoi secilin me 3 vjet burg. Ata i arrestuan menjëherë në sallën e gjyqit.

Tabelë kronologjike

14 prill 2021

Agjentë të FSB-së kontrollojnë të paktën 12 shtëpi të Dëshmitarëve të Jehovait. Sergein e marrin në pyetje për 7 orë. Maksimin dhe Aleksandrin i arrestojnë dhe i futin në burg
15 prill 2021

Maksimin dhe Aleksandrin i futin në një qendër paraburgimi
29 prill 2021

Aleksandrin e lirojnë nga paraburgimi
14 maj 2021

Aleksandrin e lënë në arrest shtëpie
9 korrik 2021

Maksimin e lirojnë nga paraburgimi dhe e lënë në arrest shtëpie
14 mars 2022

Nis procesi penal

Të dhëna

Sergei Ashihmini

Lindur: 1973 (Zheshart, Republika e Komit)

Biografia: Ka punuar si rojë sigurimi dhe më vonë si shitës. Kohët e fundit kreu një ndërhyrje në zemër dhe nuk është më në gjendje të punojë

U prek thellë kur mësoi se Jezui ka siguruar shpërblesën. U pagëzua si Dëshmitar i Jehovait në vitin 2001 dhe u martua me Anastasian më 2007

Komente personale

Në cilat situata të ka ndihmuar lutja?

Kur na kontrolluan shtëpinë, gjithçka ndodhi sa hap e mbyll sytë. S’kisha kohë të lutesha gjatë, ndaj ashtu si Nehemia për të cilin flet Bibla, bëra një lutje të shkurtër në heshtje dhe i kërkova Jehovait mençuri, vetëbesim e guxim.

Përveç kësaj, kur më morën në pyetje, më bënë shumë pyetje të ndërlikuara. Iu luta Jehovait të më ndihmonte të dalloja kur duhej ta kyçja gojën dhe të më mbështeste kur duhej të flisja.

Aleksandër Kutini

Lindur: 1982 (Izhevsk)

Biografia: Punon si saldator

Pasi mësoi për Jezuin, u nxit të ndiqte shembullin e tij dhe u pagëzua në vitin 2002. Më 2018 u martua me Gyzjelin

Komente personale

Si e ruajte gëzimin në paraburgim?

Në qendrën e paraburgimit më kishin privuar nga çdo gjë që kisha për zemër: njerëzit e mi të dashur, mbledhjet, Bibla dhe madje edhe nga rutina ime e përditshme. Kur isha në shtëpi, zgjohesha në mëngjes, bëja një çaj ose kafe, pastaj lexonim e diskutonim një varg nga Bibla me gruan. S’e mendoja asnjëherë që dikush mund të më privonte nga kjo. Ama, një gjë nuk mund të ma merrnin kurrë: lutjen. Kur lutesha, e ndieja se Jehovai po më jepte frymën e shenjtë, kështu që s’e humba gëzimin dhe as u shkurajova.

Përveç kësaj, pata mundësi të jepja dëshmi disa herë. . . . Kur isha në një qeli me 7 të tjerë, secili më pyeti pse më kishin dënuar. U ula dhe u shpjegova arsyen. Në atë moment, Jehovai më ndihmoi të isha i qetë dhe të ndieja paqe në zemër. Në heshtje, falënderova Perëndinë që më mbështeti.

Vëllezërit tanë po qëndrojnë të patundur përballë padrejtësive, plot besim te Jehovai, që premton: «Mos ki frikë se unë jam me ty.»—Isaia 43:5.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME