Bijbel e gi wi a moro koni rai di e leri wi fa wi musu libi. Te yu gwenti leisi Bijbel èn e denki dipi fu en èn e du san yu leri, „dan sani o waka bun nanga yu” (Yosua 1:8; Psalm 1:​1-3). Yu o kon leri sabi Gado nanga en Manpikin Yesus. Den sani di yu o leri fu den o meki taki yu kan kisi frulusu.​—Yohanes 17:3.

Na sortu fasi yu musu leisi Bijbel? Yu kan du dati na difrenti fasi. A Bijbel-leisi schema disi e yepi yu fu leisi den Bijbel buku a wan baka a trawan soleki fa den de na ini Bijbel. Noso yu kan leisi wan spesrutu tori fosi. Fu eksempre, yu kan leisi spesrutu pisi fu man kon sabi fa Gado ben handri nanga den Israelsma na ini owruten. Yu kan leisi tra pisi tu fu kon sabi fa a fosi yarihondro Kresten gemeente ben bigin èn fa a gro. Efu yu wroko nanga a schema fu leisi wan tu kapitel ibri dei, dan yu o man leisi a heri Bijbel na ini wán yari.

Efu yu e suku wan schema di o yepi yu fu leisi Bijbel ibri dei, noso wan schema di o yepi yu fu leisi Bijbel na ini wán yari, noso wan schema gi sma di no gwenti leisi Bijbel ete, dan a schema disi o yepi yu nanga dati. Download a Bijbel-leisi schema disi di yu kan print tu, èn bigin leisi Bijbel tide.