Psalm 14:1-7
Gi a fesiman fu den pokuman. Wan psalm fu David.
14 Den sma di no abi ferstan* e taki na ini den ati:
„Yehovah no de.”
Na soso ogri den e du. Den sani di den e du e gi groskin.Nowan fu den e du bun.
2 Yehovah de na hemel e luku libismafu si efu sma de di abi koni,
iya, fu si efu wan sma de di e suku Yehovah.
3 Den alamala gwe libi a reti pasi.Den alamala kruka.
Nowan fu den e du bun,nôno, nowan fu den.
4 A gersi leki den sma di e du ogri no abi ferstan.
Den e suku fu nyan mi pipel, neleki fa den e nyan brede.
Den no e begi Yehovah fu a yepi den.
5 Ma den o kon frede srefsrefi,fu di Yehovah de nanga den sma di e du san reti.
6 Un ogrisma, unu e suku fu tapu den mofinawan fu kisi san den wani,ma Yehovah na den kibripe.
7 Mi winsi taki a sma di o ferlusu Israel kmoto na Sion!
Meki Yakob prisiri, iya, meki Israel breitite Yehovah tyari en pipel di ben de na ini katibo, kon baka.
Futuwortu
^ Noso: „den don sma”.
