Psalm 75:1-10
-
Gado e koti krutu na wan eerlijk fasi
-
Den ogrisma o dringi san de na ini a kan fu Yehovah (8)
-
Gi a fesiman fu den pokuman: A musu prei leki a poku di nen „No kiri mi”. Wan singi fu Asaf.
75 Wi e taki yu tangi, Gado, iya, wi e taki yu tangi.Yu de nanga wièn sma e taki fu den bigi sani di yu e du.
2 Gado taki:* „Te mi poti wan yuru fu koti krutu,dan mi o koti krutu na wan reti fasi.
3 Di grontapu nanga ala den sma di e libi na tapu ben e beifi,*dan na mi ben hori den pilari fu grontapu tnapu steifi.” (Sela)
4 Mi taigi den sma di e dyaf: „No dyaf moro.”
Mi taigi den ogrisma: „No meki bigi taki unu tranga.*
5 Un no musu meki bigi taki unu abi furu krakti.*No taki na wan heimemre fasi.
6 A sma di o gi unu glori no o kmotofu owstusei, west-sei noso zuidsei.
7 Bika Gado na Krutuman.
A e lagi suma a wani èn a e hei suma a wani.
8 Yehovah e hori wan kan na ini en anu.A kan abi win na ini di abi skuma èn di kan drungu sma.
A o kanti a win gi ala den ogrisma na grontapuèn a o meki den dringi, iya, a o meki den dringi a sakasaka srefi.”
9 Ma mi fu mi sei o ferteri sma a tori disi fu ala ten.Mi o singi prèisesingi* gi a Gado fu Yakob.
10 Bika Gado taki:* „Mi o broko a makti* fu den ogrisma.Ma den ret’ati sma o kisi moro makti.”*
Futuwortu
^ Den wortu „Gado taki” no skrifi na ini Hebrewtongo, ma a poti dya fu sori suma na a sma di e taki na ini vers 2 nanga 3.
^ Hebrewtongo: „smèlter”.
^ Hebrewtongo: „No opo un tutu”. Furu tron Bijbel e agersi krakti noso makti nanga a tutu fu wan meti.
^ Hebrewtongo: „No opo un tutu”.
^ Noso: „prei poku”.
^ Hebrewtongo: „tutu”.
^ Hebrewtongo: „Mi o opo a tutu fu den ret’ati sma”.
